Portada Convocatories Les elecciones al Rectoráu van ser el 21 d’abril

Les elecciones al Rectoráu van ser el 21 d’abril

by redacción asturnews
Foto: Hugo Pardo Kuklinsk (https://www.flickr.com/photos/18016623@N00/)

Como recueye l’artículu 17 del Reglamentu d’elección del Rector, esta selmana comunicóse al Conseyu de Gobiernu de la Universidá d’Uviéu’l calendariu de les elecciones rectorales, que se van celebrar el próximu 21 d’abril y que tienen un procesu qu’entama esta selmana que vien.

Pa llindar el costu económico y ecolóxico de la documentación xenerada en papel nel procesu electoral, particularmente la relativa a los censos, lo mesmo que de facilitar el desenvolvimientu de les sos distintes fases, los actos de comunicación y publicidá de les elecciones van realizase al traviés de la páxina web y del corréu electrónicu institucionales.

Per otru llau, l’órganu universitariu tamién aprobó na so xunta d’ayeri la memoria reguladora de la Programación Conxunta d’Enseñances Oficiales del Doble Grau en Matemátiques y Física, ellaborada pola Facultá de Ciencies, y la propuesta reguladora de la Programación Conxunta d’Enseñances Oficiales de los Graos n’Inxeniería Civil ya Inxeniería de los Recursos Mineru y Enerxéticu, que la so ellaboración tuvo al cargu de la Escuela Politécnica de Mieres.

l’Informe añal sobro tresparencia na Universidá d’Uviéu, que recueye les actuaciones de la institución el pasáu añu en dicha materia presentose tamién esti día. Ente elles, destaca la creación y puesta en marcha del nuevu Portal de Tresparencia, que punxo a disposición de la comunidá universitaria y de la ciudadanía un preséu fundamental que dexa aportar a información relevante y d’interés xeneral sobro la organización y funcionamientu de la Universidá. Amás, el Portal tuvo un claru reflexu nes evaluaciones y rankings que miden la tresparencia de les universidaes nel nuesu país.

Nesti sentíu, l’estudiu ellaboráu pola plataforma DYNTRA reflexa que la Universidá d’Uviéu cumple 89 indicadores y ocupa el puestu 15 sobro 79 universidaes evaluaes. Otru de los rankings más importantes, el que cada añu ellabora la Fundación Compromisu y Tresparencia, señal que la Universidá d’Uviéu cunta con 38 puntos y pasó de tar asitiada ente les universidaes opaques (con solu 12 puntos en 2016), a integrase nos primeros puestos del segundu grupu d’universidaes en 2019, a solu dos puntos del grupu de les más tresparentes.

El Conseyu de Gobiernu tamién dio’l vistu bonu a la propuesta de Reglamentu de Protección de Datos Personales de la Universidá, convirtiéndose asina nuna institución académica pionera ente les universidaes españoles. Coles mesmes, aprobó la propuesta de convocatoria de places de Profesor Contratáu Doctor I3 Interín; al Reglamentu de Réxime Internu del Departamentu de Ciencies de la Educación; a la propuesta de adscripción de trés profesores al Institutu Universitariu de Biotecnoloxía d’Asturies; y a la designación de miembru de la Comisión de Doctoráu pola caña de Ciencies Sociales y Xurídiques.

Otramiente, aprobáronse la propuesta de la 5ª asignación de collaboración docente del cursu académicu 2019-2020; la propuesta de cambéu del plan d’estudios del Grau n’Inxeniería Informática del Software; la propuesta de llende de places de másteres universitarios pal cursu académicu 2020-21, según les propuestes de cambeos en cuatro planes d’estudios de dichos posgraos.

Tamién te podria gustar