Les comunidades van poder convocar 13.000 places de profesoráu

Les comunidades van poder convocar 13.000 places de profesoráu
06 ochobre 13:40 2015 Imprimir

Nel Día Mundial del Docente, celebráu esti llunes 5, el Ministeriu anuncia que les comunidaes autónomes van poder convocar en 2016 un total de 13.000 places de profesoráu (7.500 de Primaria y 6.500 de Secundaria).

Les convocatories de que fizo anuncia’l Ministru van poer facese de resultes del aumentu del 50 al 100% de la tasa de reposición del personal docente. Asina lo anunció’l secretariu d’Estáu d’Educación, Formación Profesional y Universidaes, Marcial Marín, nun almuerzu informativu n’Ávila, por cuenta de la celebración del Día Mundial del Docente.

Amás, les comunidaes van poder contratar de forma directa a un total de 1.650 profesores dempués de que’l Ministeriu d’Educación anunciara la baxada del 20% de la ratio d’alumnos per aula pa volver a la situación anterior al decretu de retayos educativos d’abril de 2012.

Medría de la tasa de reposición, baxada de la ratio y cambéu llegal pa que les baxes sían sustituyíes dende’l primer día en dellos casos son les midíes educatives apocayá anunciaes pol ministru d’Educación, Íñigo Méndez de Vigo, a pocos meses de les elecciones. Les anuncies vienen siendo criticase pola oposición que les considera electoralistes con elecciones de pol medio y más de 600.000 docentes n’España.

Loading Facebook Comments ...