Portada Sociedá Les biblioteques uvieines son escoyíes pa desenvolver un proyectu nacional d’estancies formatives

Les biblioteques uvieines son escoyíes pa desenvolver un proyectu nacional d’estancies formatives

by redacción asturnews

Les biblioteques uvieines son escoyíes pa desenvolver un proyectu nacional d’estancies formatives. Los centros públicos van sirvir de destín a los profesionales del sector que deseyen promover la cooperación, participar n’iniciatives como les rutes lliteraries y esportar los ésitos locales.

La Rede de Biblioteques Públiques Municipales uvieina vieno acabante de ser escoyida pol Conseyu de Cooperación Bibliotecaria del Ministeriu de Cultura y Deporte pa desenvolver el proyectu piloto d’estancies formatives. L’oxetivu del conseyu con esti programa ye promover la cooperación bibliotecaria nel conxuntu de biblioteques públiques, universitaries, especializaes y escolares, nacionales y rexonales y contribuyir a la meyora de la formación de los profesionales al traviés de víes como la movilidá d’intercambiu de los bibliotecarios de distintos ámbitos, cola cuenta de realizar estancies de formación n’otros centros.

Los profesionales qu’asina lo deseyen van poder solicitar como destíno les biblioteques uvieínes, que’l so funcionamientu xestionase dende la conceyalía d’Educación. Van Aprender, por casu, cómo funciona’l Plan de Llectura y cómo pueden aplicalo nel so ámbitu d’actuación. Estes xornaes sirviríen, d’esta miente, para esportar dalgunos de los proyectos locales más esitosos a otres biblioteques.

En concretu, la rede uvieina foi escoyida col programa “Biblioteques y ciudá, una relación imprescindible” nel que les protagonistes son les rutes lliteraries. Partiendo de la idea “nenguna ciudá ensin biblioteques y nenguna biblioteca ensin ciudá” (Toni Puig, Congreso Biblioteques Públiques 2014) les biblioteques escuerren dase a conocer a la ciudá, a les sos xentes, y amás  collaborar a faer ciudá. Y para ello, nada meyor que les rutes lliteraries averen la lliteratura a toes los barrios de la ciudá.

La estancia va incluyir una parte teórica (en dalguna de les biblioteques) y una parte práctica (ciudá).

Tamién te podria gustar