Les biblioteques raspiaron los trés millones de visitantes en 2016

Les biblioteques raspiaron los trés millones de visitantes en 2016
24 abril 09:11 2017 Imprimir

La rede de biblioteques públiques del Principáu sumó’l pasáu añu 2.915.381 visitantes, llevó a cabu 1.211.035 préstamos y rexistró aumentos destacables nel númberu de socios, la xestión de conteníos dixitales y la repercusión de la ufierta d’actividaes culturales, con más de 245.000 asistentes, cerca de 25.000 más que l’añu anterior, según esplicaron la selmana pasada’l conseyeru de Cultura, Genaro Alonso, y el viceconseyeru Vicente Domínguez.

El barómetru de l’actividá vien definíu por un mayor númberu d’usuarios, cercanu a los diez mil visitantes. Amás, les biblioteques dieron d’alta a cerca de 24.000 socios. Al respective de los conteníos dixitales, rexistraron tamién un aumentu relevante, cercanu a los 2.000 préstamos. Y, en cuanto siguidores nes redes sociales, superen yá los 62.000. Finalmente, los fondos, con 76.983 incorporaciones el pasáu añu, suman yá un total de 2.842.037, de los que 2.456.438 son llibros.