Portada Conceyos Les biblioteques municipales de Xixón retomen la so actividá gradialmente

Les biblioteques municipales de Xixón retomen la so actividá gradialmente

by redacción asturnews

Les biblioteques municipales de Xixón retomen la so actividá gradialmente sigún acaba de facer anuncia’l conceyu. El llunes 25 de mayu ya entamaron a recoyer les devoluciones nes biblioteques de La Calzada, Xixón Sur, El Cotu y El Llanu y a partir del 1 de xunu tamién nes biblioteques de Natahoyo, Polígonu, Fregadures, Contrueces, Camocha y Montiana.

En toles biblioteques l’horariu d’apertura al públicu pa realizar la devolución de los documentos va ser de 9 a 14 hores de llunes a vienres y recuerde que les demorances producíes por cuenta de la situación de crisis sanitaria nun van xenerar nengún tipu de penalización. A partir del llunes 8 de xunu retomaráse’l serviciu de préstamu so pidimientu previu.

Al traviés de la web y de la redes sociales (Facebook, Twitter, Instagram) caltendrase informada a la ciudadanía de los cambeos y evolución de los servicios. Tamién puede solicitase la información disponible al traviés del mail y teléfonu de la so biblioteca más cercana.  La biblioteca de L’Arena va caltenese pesllada hasta nuevu avisu.

 

327x786_v1_ReaperturaRMBG

Tamién te podria gustar