Les Aules Populares d’Avilés algamen la so XXXV edición con 57 talleres

Les Aules Populares d’Avilés algamen la so XXXV edición con 57 talleres
23 febreru 09:32 2021 Imprimir

Les Aules Populares d’Avilés cumplen la so XXXV edición, y fainlo con una ufierta de 57 talleres y seminarios de distintes disciplines, de los cualos 20 son novedá. Con un total de 492 places, y destinaos a persones mayores de 16 años, el plazu d’inscripción abriose’l xueves 18 de febreru, pal antiguu alumnáu, y elsti llunes 22, pal nuevu.

Una completa ufierta formativa n’árees artístiques, educatives y culturales, que la so actividá desenvuélvese na Factoría Cultural, el Centru Cívicu de Los Canapés, y les antigües Escueles del Altu Vidreru.  Les clases van dar empiezu’l 8 de marzu, y van enllargase hasta’l 30 de xunu.

Los nuevos cursos ufiertaos son los siguientes: Pintura de la Renacencia del sieglu XVI/Cinquecento, Dibuxu de copia clásica y anatomía, Dibuxu dixital y diseñu, Bailoterapia, Baille coreográficu, Yoga nidio y yoga nivel mediu, Braille, Fotografía de productu, Digitalización d’imaxes y diapositives, Cerámica: formes y técniques orientales, L’arte de cuntar cuentos, Italianu II, Francés, Forráu de zapatos, reciclaje de ropa y tiñíu, Tornu de porzolana, Confección de dengues y mandiles, Alimentación y cocina saludable, Usu del smartphone ya Internet básicu.

Nel casu del yá tradicional cursu de Baille de Salón (iniciación) haber de tener en cuenta que la matrícula ta dirixida a pareyes de convivientes. Pa persones que nun puedan cuntar con una pareya conviviente programóse’l taller de Baille coreográficu.

La matriculación podrá realizase de forma presencial, previa solicitú de cita, al traviés de los Servicios d’Atención Ciudadana del Conceyu y l’edificiu El Focu, en Villalegre. Tamién de forma telemática, nel enllaz http://www.aviles.es/TSAviles.

Más información

  Categories: