Les Ampa d’Uviéu critiquen l’horariu del Plenu sobro beques

Les Ampa d’Uviéu critiquen l’horariu del Plenu sobro beques
28 febreru 09:53 2020 Imprimir

24 asociaciones de padres y madres (Ampas) d’Uviéu amosaron esrti día «la so total indignación» pol horariu escoyíu pol gobiernu municipal pal Plenu estraordinariu nel que se trará el retayu n’Educación y que tuvo llugar esti xueves 27 a les 9.15 hores.

Al traviés d’un escritu unviáu a los medios, les Ampas indicaron que se tomen «como una falta de respetu la decisión d’adelantrar casi una hora l’horariu habitual de celebración de los plenos, faciéndolo coincidir cola entrada de les nueses neñes y neños al colexu, ya intentando asina enzancar que les families podamos asistir a un alderique que nos afecta de manera personal».

El Plenu foi forzáu por Somos Uviéu y PSOE en formando un frente común coles asociaciones de padres, qu’aportunen en que l’horariu escoyíu amuesa una actitú «irrespetuosa con unu de los principios más básicos de la democracia como ye la participación ciudadana».

Nesi sentíu, les Ampas aseguraron qu’a pesar del madrugón diben allegase a la sesión: «Quiciabes nun conozan nel bipartitu que los recursos y capacidá d’organización de les families son perenals», sentenciaron.

Somos Uviéu y PSOE anunciaron que van tratar de refiertar a la concejala delegada d’Educación, Yolanda Vidal por asumir una rebaxa nes beques a la que tanto percuru dedicaron el pasáu mandatu.

El presupuestu de 2020 indica que les ayudes municipales destinaes a beques escolares -de comedor, almuerzu o llibros- pal próximu cursu van amenorgase casi un 30% con al respective de 2019. De los 3,44 millones de la convocatoria aprobada por para esti cursu, va pasar a tan solo 2,45 millones d’euros. Los 3,75 millones presupuestaos p’anguaño, que cubren los meses finales del cursu escolar coles ayudes concedíes l’anterior mandatu y los trés primeros del siguiente que va arrincar en septiembre.

  Categories: