Les 3 escuelinas d’Avilés amplíen plantiya y recuperen so horariu completu

Un total de 211 neños y neñes son los que van a les 3 Escueles del Primer Ciclu d’Educación Infantil d’Avilés, El Quirinal, La Madalena y la Toba, que recuperen esti llunes la so xornada completa.

Les 3 Escueles del Primer Ciclu d’Educación Infantil d’Avilés -El Quirinal, La Madalena y la Toba- recuperen esti llunes la so xornada completa, colos siguientes horarios:

• EEI El Quirinal. De 7:30 a 16:30 hores
• EEI La Toba. De 8 a 16 hores
• EEI La Madalena. De 8 a 16 hores

Dende l’entamu del cursu, el Conceyu amplió la plantiya hasta 38 educadores, amontóse n’una hora la xornada de trabayu de 5 educadores de media xornada y cubriéronse diverses baxes. D’esta miente, ye posible garantizar l’horariu completu nos 3 centros educativos  -amenorgáu n’una hora dende ochobre- al empar que se caltienen toles burbuyes creaes al entamu del cursu para amenorgar al máximu los riesgos de tresmisión y andada del COVID-19.

Les trés escueles municipales del Primer Ciclu d’Educación Infantil de 0-3 años abrieron el cursu al so alumnáu’l llunes 14 de setiembre con 211 neños y neñes que se parten nos trés centros: EEI La Madalena (39), EEI La Toba (73), y EEI El Quirinal (99).

Amás, hasta final d’añu, realicen les sos práctiques lectives nes 3 escuelinas d’Avilés 7 estudiantes del módulu cimeru de de Formación Profesional n’Educación Infantil que s’imparte nel IES Carreño Miranda.