Portada Política L’equipu de gobiernu uvieín estudia un cambéu del Reglamentu Orgánicu del Plenu p’ameyorar la participación ciudadana

L’equipu de gobiernu uvieín estudia un cambéu del Reglamentu Orgánicu del Plenu p’ameyorar la participación ciudadana

by redacción asturnews

L’equipu de gobiernu estudia un cambéu del Reglamentu Orgánicu del Plenu p’ameyorar la participación ciudadana y pa ello va abrir un procesu de negociación con tolos grupos políticos pa llograr el mayor consensu posible.

L’equipu de gobiernu del Conceyu d’Uviéu ta ta ellaborando un proyectu de borrador de cambéu de Reglamentu Orgánicu de Plenu con cuenta de faer el funcionamientu del conceyu más abiertu a la xente y participativu. L’oxetivu d’esti cambéu de la normativa ye garantizar tantu la participación de los vecinos y vecines nos plenos, según la emisión vía streaming o puertes abiertes de les Comisiones Plenaries, principalmente les presupuestaries.

La negociación va llevase a cabu, como pue ser d’otra manera, al traviés d’un procesu de negociación colos distintos grupos políticos municipales, con cuenta de que llogre’l mayor consensu posible. Dicha actuación forma parte de la segunda fase de cambéu y puesta al día de normes municipales, tres l’aprobación de la ordenanza de Tresparencia.

Na comisión plenaria d’Atención a les Persones, Participación, Tresparencia y Seguridá Ciudadana la presidenta de dicha comisión, Ana Taboada Coma, informó d’esti procesu a tolos integrantes a raiz d’un ruegu que plantegaba que les  comisiones fueren públiques o retrasmitidas, que se ta ellaborando un proyectu de borrador de cambéu de reglamentu orgánicu de plenu.

Tamién te podria gustar