Portada Música L’Entregu homenaxea otra vuelta al luthier Berto Velasco

L’Entregu homenaxea otra vuelta al luthier Berto Velasco

by asturnet

El teatru municipal de Samartín del Rei Aurelio, en L’Entregu, va acoyer esti sábadu, 27 de setiembre, a les 7 la tardi, el II Memorial Berto Velasco, qu’otra vuelta quies facer alcordanda del que fuera, ensin dubies, ún de los constructores artesanales más importantes de la historia de la gaita asturianay referencia cimera del xorrecimientu bultable de la gaita solista asturiana en calidá a lo llargo de toa Europa.

Tamién tienen confirmada la so actuación la Banda Gaites Fonte Fuécara o los maestros gaiteros Pedro y Diego Pangua, y el tamboriteru Fabián Fernández.

Col oxetivu d’emponderar la figura personal de Berto Velasco y el so llabor profesional nel desarrollu de la gaita asturiana, el sábadu tamién van tar enriba l’escenariu del teatru de L’Entregu Manuel García Miranda “Manolín de Mases”, amigu del homenaxéau, y el profesor d’Acústica del Conservatoriu Superior d’Uviéu, Miguel Ángel Fernández.

El Memorial llega esti añu a L’Entregu pol enfotu de la familia de Berto Velasco de facer la cita itinerante, cuidando que’l luthier yera de L’Acebal, nel mesmu conceyu de Samartín del Rei Aurelio, y que la primer edición d’esti espectáculu cellebróse en Xixón, llugar de residencia del recordáu artesanu hasta’l so fallecimientu en 2011.

L’espectáculu, con entrada de baldre hasta enllenar el teatru, va tar presentáu por Naciu Varillas.

Tamién te podria gustar