L’Ensemble 4.70 ufierta un conciertu en La Pola

L’Ensemble 4.70 ufierta un conciertu en La Pola
22 13:26 2022 Imprimir

L’Ensemble 4.70 ufierta un conciertu en La Pola que va tener llugar esti martes 22 de payares, a les 20.00 hores, nel Teatru Auditoriu de la villa polesa.

L’Ensemble 4.70 ye’l conxuntu de músicos venceyáu a Kras Klasika, proyectu divulgativu promovido por Enrique Valcarce y coordináu por David Roldán, qu’inclúi un programa de radiu y l’organización de conciertos comentaos en tou tipu d’espacios, sol lema “remóntate, escucha música clásica”.

Participaron en “Los Conciertos del Marqués” (2017, 2018, 2019), Jornada “Villa Regina” (2021), Sociedá Filarmónica de Xixón (2021, 2022), Sociedá Filarmónica d’Uviéu (2021, 2022), “Suena la Cúpula” (Centru Niemeyer, 2022), LEV festival (2022),… interpretando obres dende la Renacencia hasta l’actualidá con plantiyes ente’l solu y l’orquesta de cámara (voces, flauta, oboe, clarinete, fagó, trompeta, cuerda, arpa, pianu, electrónica, narración ya imaxe).

El conciertu ta enmarcáu nel programa d’actos de la Selmana de la Música de Santa Cecilia y va tener llugar el martes 22 de payares, a les 20.00 hores, nel Teatru Auditoriu de La Pola.

  Categories: