Portada Sociedá Leila Guerriero gana’l XIV Premiu de Periodismo Manuel Vázquez Montalbán

Leila Guerriero gana’l XIV Premiu de Periodismo Manuel Vázquez Montalbán

by redacción asturnews

La periodista arxentina Leila Guerriero ganó’l XIV Premiu Internacional de Periodismo Manuel Vázquez Montalbán, según informó la selmana pasada’l Col·legi de Periodistes de Catalunya qu’impulsa la convocatoria.

El xuráu del premiu decidió reconocer el trabayu de Guerriero porque, “al traviés de los sos artículos, cróniques y llibros, punxo de manifiestu y relevancia la necesidá, la importancia y la fuerza del periodismu”. Coles mesmes, el xuráu destacó’l trabayu de campu de la periodista “para dar forma y fondu a les sos cróniques, convertíes tamién n’escelentes ensayos sociolóxicos”.

Leila Guerriero (Junín, 1967) ye una periodista reconocida internacionalmente pol so trabayu, que publica dende 1991 en dalguna de la cabeceres más importantes del mundu como “La Nación”, “Rolling Stone”, “Gatopardo” y “El País”. Tamién publicó los llibros “Los suicides del fin del mundu” (2006), “Frutos estraños” (2009), “Planu Americanu” (2011), “Una hestoria senciella” (2013), “Zona d’obres” (2014) o más apocayá “Opus Gelber. Semeya d’un pianista” (2019) y “Teoría de la gravedá” (2019).

El xuráu d’anguaño del Premiu Manuel Vázquez Montalbán ta formáu por Neus Bonet, Ana Cristeto, Carles Revés, Tomàs Delclós y Josep Cuní.

Tamién te podria gustar