Leather Boys aplaza’l so conciertu na Casa Cultura d’Avilés al 5 d’avientu

Por cuenta de la situación actual de zarru perimetral d’Avilés, Xixón y Uviéu, como midida de contención de la pandemia del COVID-19, la banda avilesina Leather Boys decidió aplazar al sábadu 5 d’avientu’l conciertu col que van presentar n’esclusiva’l so nuevu álbum, “Born in the seventies”, nel Auditoriu de la Casa de Cultura d’Avilés. 

Nun principiu taba previstu pa esti sábadu, 31 d’ochobre, con entrada gratuita previa retirada d’invitación na taquilla de la Casa de Cultura. Toles invitaciones yá recoyíes caltienen la so validez para la nueva fecha de l’actuación.

En casu de que col cambéu de fecha quien yá tengan la localidá nun puedan asistir, tendrán de faer efectiva la so cancelación na mesma taquilla del centru cultural, o al traviés d’un corréu electrónicu a la dirección programacionaviles.es, indicando nel mesmu’l so nome completu, tal que apaez na entrada. Esta actuación ye una iniciativa de l’asociación cultural Valliniello Sound City, col sofitu de la conceyalía de Cultura d’Avilés.

Leather Boys son Luis Miguel Díaz (Leather Rose), Luis Alberto Herrero (Leather Sex), Javier Val (Leather Latin Lover), Efrén Rodríguez (Leather Dirty Duke) y Carlos Sevillanu (Leather Buddy), y el nuevu álbum, el cuartu de la so carrera, una invitación a alicar la década na que nacieron los sos dos miembros fundadores, Leather Rose y Leather Sex.

Tratase del so trabayu más eclécticu, qu’empezaron a xestar el pasáu añu, so la influencia de dalgunos de los discos dobles más recordaos del rock, como “Physical Graffiti”, de Led Zeppelin; “Tommy”, de The Who, o “Use your Illusion”, de Guns N’ Roses.

Magar les dificultaes añedíes pola pandemia, dieron a lluz 14 temes, ente los cualos atópase’l que da nome al álbum, “Born in the 70’s”, grabaos nos Estudios Tútú d’Avilés. Trátase’l so primer discu dientro d’un sellu discográficu (tolos anteriores fueron autoeditados), conformando un compendiu del meyor rock ensin etiquetes, d’una banda que sobro l’escenariu crezse, colos sos directos físicos ya incendiariu.

Nacíos en 2006, la so primer propuesta llegó nel 2008, col single “We’re livin’in a chigre”, cantar que presentaron como candidata a participar n’Eurovisión de 2009, y cola que consiguieron quedar ente los diez finalistes, d’ente 1.000 candidatos, actuando na gala final de TVE. En 2011 llegaría “Real Lether”, y en 2014, “Back in the streets”. En 2017, como celebración de la so primer década de vida publicaron  el EP “Decade of Decadence”.

Les puertes del Auditoriu de la Casa de Cultura abrirán el día del conciertu (5 d’avientu) a les 19.30 hores, y un pocu dempués, a les 20.00 hores, va tener llugar la presentación del llibru d’entrevistes a iconos de la música mundial “Too en nome del Rock’n’Roll”, cola presencia del so autor, Fernando ‘Tanxencias’ Sampedro, redactor de la revista musical “Popular 1”.