L’Ayuntamientu instala un “Puntu lila, puntu de respetu” en San Mateo

L’Ayuntamientu instala un “Puntu lila, puntu de respetu” en San Mateo
10 setiembre 09:06 2021 Imprimir

L’Ayuntamiento instala un “Puntu lila, puntu de respetu” dende güei vienres día 10 pales fiestes de San Mateo, cola fin de ser quien a algamar  “unes fiestes libres d’agresiones sexistes” y de visibilizar y concenciar sobro’l pergrave problema que suponen los distintos tipos de violencia contra les muyeres.

El Puntu Lila va instalase na cai Eusebio González Abascal, entre Porlier y la Catedral, sigún desplicó la conceyala de Polítiques Sociales, Conchita Méndez, na presentación esta selmana de la campaña municipal que se va poner en marcha mientres les fiestes de San Mateo.

Méndez esplicó que “el propósitu ye visibilizar el pergrave problema que suponen los distintos tipos de violencia contra les muyeres. Dende’l puntu lila que se va instalar na cai Eusebio González Abascal va trabayase por qu’Uviéu sía un espaciu seguru, diversu, onde pueda esfrutase nuna redolada segura.Nesti puntu va haber actos de concienciación y porque toos, homes y muyeres, podemos faer por que sían unes fiestes llibres d’agresiones machistes.”

Leticia Gónzalez, edil delegada de la área de Polítiques sociales, especificó que “el puntu de respetu va tar atendíu, del 10 a l 21 de setiembre, por personal de Cruz Roja española d’Asturies, de l’asociación Cum Laude Asturies y Afammer Asturies que van emprestar atención especializada d’asesoramientu xurídicu, información y acompañamientu personalizáu, amás d’ufiertar actividaes lúdiques. L’horariu va ser de domingu a xueves de 20.30 a 00.30 hores y los vienres, sábados y llunes, víspora de San Mateo, de 21.00 a 02:00 hores”.

Pa esta campaña “diseñóse cartelería específica, chapes y pañuelos que se van distribuyir nel puntu de respetu y tamién nes casetes mateínes” a les que Leticia González, estimó’l xestu. Amás, adelantró, “va espublizase un curtiu contra les agresiones sexistes en tolos conciertos mateínos y na web municipal. Queremos un San Mateo seguro, xunas fiestes ensin violencia y qu’Uviéu sía un referente n’espacios seguros y llibres d’agresiones sexistes”.

  Categories: