ConceyosEducación L’Axencia d’Activación Xuvenil de Xixón abre plazu d’inscripción by redacción asturnews 16 de setiembre, 2021 written by redacción asturnews 16 de setiembre, 2021 2,5K L’Axencia d’Activación Xuvenil 2021, un programa empobináu a menores de 30 años, con empadronamientu en Xixón, que nun s’atopen desempeñando un puestu de trabayu o cursando formación, abre plazu d’inscripción. Si tienes interés y cumples colos requisitos anteriores puedes dirixite al Departamentu d’Orientación Llaboral de l’Axencia Local de Promoción Económica y Empléu del Conceyu de Xixón, sita na cai Avelino González Mallada nº 27, o bien ponete en contactu al traviés del teléfonu 985 181 557 o’l mail agenciadeactivaciongijon.es para dar en realizar la inscripción formal. Mientres el plazu de presentación de candidatures, dende’l Departamentu d’Orientación Llaboral van poner en contactu coles persones solicitantes para alcordar una entrevista personal, a partir de la cual, va realizase la selección final para estos proyectos. Como n’ediciones anteriores, a les actividaes que yá se veníen ufiertando, como: Tutorización Individual Coaching Acciones de autoempleo Ferramientes TIC Acciones de voluntariáu Marca personal y comunicación Práctiques non llaborales Van sumase otres actuaciones como eventos de networking, que dexen la conocencia y la collaboración ente quien participen nel proyectu, acciones de formación, pa la cualificación de participantes ensin perfil profesional, movilidaes internacionales, p’aquellos mozos con molición nel ámbitu de la movilidá europea, cursos de ofimática y formación comercial específica. Coles mesmes, en relación a les Práctiques Non Llaborales, l’Axencia d’Allugamientu del Conceyu va empezar a prospectar a les empreses rexonales con oxetu d’empezar a captar estes oportunidaes formatives. De les persones nueves interesaes nel proyectu va dar en escoyer en redol a 100, tomando como criteriu cuntar con una representación d’un terciu de mozos ensin cualificación, otru terciu de mozos con estudios de formación profesional y otru terciu de mozos con estudios universitarios. Coles mesmes, va valorase específicamente na selección l’espíritu entamador y la predisposición a desenvolver una idea empresarial. Más información 0 FacebookTwitterPinterestEmail Anterior L’Auditoriu acueye la Gala de Grandes Tenores, “esponente del añu na llírica española” siguiente La presencialidá foi protagonista de la vuelta los estudiantes asturianos Tamién te podria gustar Iniciativa pol Asturianu y Barbón desixen a Adif... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII... L’ALLA abre’l plazu pa los cursos de la... La comedia “Guau” pieslla “escenAvilés” esti miércoles