L’avilesina Henar Fernández va representar a la infancia asturiana na Xunta Xeneral

by redacción asturnews | noviembre 25, 2020 1:45 pm

L’avilesina Henar Fernández Clavel va representar a la Infancia y Adolescencia d’Asturies na xunta telemática que se va celebrar esti miércoles, a les 17 hores, colos diputaos y diputaes de la Xunta Xeneral del Principáu pa faer oyer les esmoliciones del colectivu y les sos demandes de participación na sociedá como ciudadanos y ciudadanes que son.

Na xunta tamién se van presentar les conclusiones del Alcuentru Estatal Virtual de Conseyos locales y Grupos de Participación del 2020, la importancia de la participación infantil nos Centros de Menores d’Asturies, y les impresiones de la I Xornada Autonómica celebrada’l 21 de payares. El pasáu miércoles 30 de mayu de 2018, los Grupos políticos con representación na Xunta Xeneral del Principáu d’Asturies suscribieron xuntu con UNICEF Comité Español, el Pactu cola Infancia del Principáu d’Asturies.

Nomar a dos representantes de los distintos conseyos municipales d’infancia y adolescencia esistentes n’Asturies para’l siguimientu de dichu Apauto y resultó escoyida Henar Fernández Clavel, de 14 años, miembru del Conseyu de la Infancia y Adolescencia d’Avilés (CIAA) y destacada alumna de pianu del Conservatorio Municipal Profesional ‘Julián Orbón’ con numberosos galardones internacionales.

El Pactu pola Infancia suscritu pola Xunta Xeneral del Principáu implica un compromisu parlamentariu que trata de promover midíes a favor de los neños y neñes na comunidá y contribuyir a ameyorar el cumplimientu de la Convención sobro los Derechos del Neñu,  cuantimás no que se refier a asegurar el derechu de los neños y neñes a ser escuchaos nos asuntos que los afecten.

Source URL: http://asturnews.com/lavilesina-henar-fernandez-va-representar-a-la-infancia-asturiana-na-xunta-xeneral/