Laura González recibe’l premiu “Mazana d’Oru” del Centru Asturianu de Madrid

12 febreru 11:09 2009 Imprimir

Laura González, miembru de la executiva d’IX d’Asturies y ex-conseyera de Vivienda y Bientar Social, va recibir güei, xueves, 12 de febreru, el premiu “Mazana d’Oru” que concede’l Centru Asturianu de Madrid.

Según el reglamentu del Centru Asturianu de Madrid la “Mazana d’Oru” tien por oxetu facer patente’l reconocimientu y la gratitú del Centru Asturianu de Madrid pa coles personalidaes que se destacaren con proyección internacional o nacional de notoria relevancia, nos campos de la investigación científica o del enseñu, o nel cultivu de les lletres y les artes o nos sectores profesionales o empresariales o bien que prestaren eminentes servicios a los intereses públicos o culturales d’Asturies. O dotao o protexío de manera sobresaliente a centros ya instituciones exemplares consagraos a la investigación científica o técnica. Como tamién a los asturianos que realizaren actos heroicos de virtú y abnegación escepcionales, nos que de manera voluntaria y consciente, punxeren riesgu evidente la vida, énte circunstancies estraordinarias y en defensa de la vida o la honra d’otres persones y nel so casu, instituciones.

La entrega del gallardón va producise, mañana, a les 20 hores nel Salón Príncipe d’Asturies del Centru Asturianu de Madrid (cai Farmacia, 2, edificiu Asturies). A la mesma asistirán tamién Jesús Iglesias, Coordinador Xeneral d’IX d’Asturies, y Gaspar Llamazares, diputáu federal d’IX.

Llistáu de los premiaos dende 1967

  Categories:
Loading Facebook Comments ...