Laura González quier crear una llei integral escontra la discriminación por motivos d’orientación sexual

30 xineru 04:44 2008 Imprimir

Laura González comprometiose con XEGA a presentar un Llei integral escontra la discriminación por motivos d’orientación sexual o de xeneru si algama l’escañu nel congresu al que va optar nes elleiciones de Marzu cola coalición IX-BA-Verdes. Asina lo anuncio la candidata tres la reunión que mantuvo ayeri col representante del colectivu Xente Gai Astur, Tino Brugos. Esta llei diba ser pionera n’Europa.

La Llei tipificaría como delitu, ente otres, coses les declaraciones y los comportamientos públicos de calter homófobu con atención especial a les cuestiones de xeneru. Al mesmu tiempu fomentaría polítiques pa favorecer la integración tanto llaboral como escolar y familiar pa les persones discriminaes por razones de xeneru y orientación sexual.

Laura González y XEGA tamien coincidieron na necesida de crear de un observatorio pa lluchar escontra los probles derivaos de la discriminación por orientación sexual. Al travies d’esta ferramienta podríen evaluase les distintes realidaes y promover programes, campañes, y polítiques positives pa llograr la igualdá social de les persones del colectivu LGTB (lesbianes, gais, transexuales y bisexuales).

  Categories:
Loading Facebook Comments ...