Portada Escéniques Laura Cueto estrena “Suaños d’otres vides” frutu de la beca na Factoría Cultural

Laura Cueto estrena “Suaños d’otres vides” frutu de la beca na Factoría Cultural

by redacción asturnews

Laura Cueto estrena “Suaños d’otres vides”  que ye frutu del so trabayu cola beca a la producción artística de la Factoría Cultural d’Avilés. Va Ser esti xueves 26 d’abril a les 19 hores nel espaciu escénicu del centru de l’avenida de Portugal.

La coreógrafa, profesora y baillarina avilesina propón un espectáculu de danza de vanguardia con elementos multidisciplinares. van realizase trés pases (a les 19 hores): el xueves 26, el vienres 27 y el sábadu 28 d’abril

El trabayu de el ceadores becaos coles segundes ayudes a la creación artística otorgaes pola Fundación Municipal de Cultura al traviés de la Factoría Cultural nel 2017, empieza a cristalizar.

Un exemplu ye la propuesta de la coreógrafa y baillarina avilesina Laura Cueto, beneficiaria na modalidá d’artes escéniques, que va presentar el próximu xueves 26 d’abril la so obra concluyida: “Suaños d’otres vides”.

Va Ser el primeru de los trés pases que va realizar, toos a les 19 hores, el del estrenu del xueves, el vienres 27 y el sábadu 28 nel espaciu escénicu de la mesma Factoría, con entrada llibre hasta completar l’aforu. Les representaciones van cuntar col acompañamientu de Rubén Álvarez a la guitarra eléctrica.

La entrada a la sala escénica de la Factoría Cultural va ser llibre hasta completar aforu. Les persones comenenciudes n’asistir a dalgún de los pases de la performance de Laura Cueto pueden contactar, a partir del llunes 25 d’abril, col teléfonu 985 548 617, el corréu electrónicu eceramica1ayto-aviles.es o averase a la Factoría Cultural (Avenida de Portugal, 13)  facilitando’l so nome y apellíos para acutar la so plaza.

Más información

Tamién te podria gustar