L’Auditoriu d’Uviéu acueye les I Xornaes de Psicoloxía Deportiva

L’Auditoriu d’Uviéu acueye les I Xornaes de Psicoloxía Deportiva
04 mayu 14:27 2017 Imprimir

Les I Xornaes de Psicoloxía Deportiva  entamaes pola conceyalía que dirixe Fernando Villacampa van tener como oxetivu reivindicar el papel educativu del deporte y van celebrase los díes 10 y 11 de mayu.

El conceyal de Deportes, Fernando Villacampa, presentó esti martes les primeres Xornaes de Psicoloxía Deportiva, que se van celebrar nel Auditoriu Príncipe Felipe los díes 10 y 11 de mayu. La cita, entamada pola conceyalía de Deportes en collaboración con un grupu de persones venceyaes al deporte base, tien como oxetivu poner de relieve’l deporte como ferramienta educativo y cavilgar sobre la situación actual.

Na so intervención el conceyal sorrayó que “el deporte ye un procesu d’aprendizaxe motor y cognitivu nel que se tresmiten modelos de conducta y valores” d’ende la importancia de realizar una reflexón colectiva na qu’amás se texerán relaciones ente clubes”.

Na rueda de prensa’l conceyal tuvo acompañáu polos psicólogu Roberto Díaz y Emma García y l’especialista en Participación, Candela Guerrero, que van ser los responsables xuntu colos pedagogos Roberto LLamedo y Alejandro Carriedo y los  psicólogos Javier Antuña ya Ignacio Pedrosa, de les meses, charres y talleres que se van desenvolver nestes xornaes.

Pela so parte, Roberto Díaz  indicó qu’esta cita xurde coles mires de “reivindicar el papel educativu del deporte” yá que ésti “mete a los mozos en diverses situaciones comprometíes” que los padres y entrenadores pueden aprovechar pa enseña-yos pautes y ferramientes pa xestionar les sos emociones.  Una de les actividaes que se van desenvolver nesta xornada, y que va correr al cargu de la psicóloga Emma García, va tar venceyada cola xestión de les decisiones arbitrales, “unes situaciones de les que puede sacase provechu pa enfrentase a otres circunstancies na vida”.  Pela so parte, Candela Guerrero, esplicó que  nes xornaes los participantes van cavilgar, gracies a diverses técniques colaborativas, sobre la situación actual del deporte base n’Uviéu y escontra ónde quier dise.

Les xornaes van entamar el día 10 de mayu, a les 16:30 hores, cola mesa inaugural “Uviéu dende la Base”. A les 18:00 hores celebrará un café-atopo tituláu “Una mirada compartida del deporte base y a les 19:00 hores cerrará la programación del primer día con una puesta de mancomún.  Les actividaes retomaránse’l día 11, a les 16:30 hores, cola charra “Deporte como vehículu educativu na xestión de les emociones” y a partir de les 17:30 hores celebrarán los siguientes  talleres temáticos: “La violencia nel deporte, un problema con solución” y “La xestión de la roxura nel arbitraxe”. Nuevamente la xornada va cerrar con una puesta de mancomún. P’allegar a les xornaes ye necesariu inscribise nel corréu deportesoviedo.es

  Categories: