L’Auditoriu acueye les XVII Xornaes Conceyu y Drogodependencias

L’Auditoriu acueye les XVII Xornaes Conceyu y Drogodependencias
15 ochobre 13:27 2015 Imprimir

Sol lema Conectando coles emociones, les xornaes pretenden abrir un espaciu de reflexón ya intercambiu de distintes esperiencies y nuevos enfoques qu’enceten el trabayu coles emociones nel ámbitu de les drogodependencias.

La conceyala de Mocedá y Atención a les Persones, Marisa Ponga participó ayeri pela mañana na inauguración oficial de les XVII Xornaes Conceyu y Drogodependencies que van detenese anguaño na aguada emocional del consumu. Al actu, celebráu nel Auditoriu, asistió tamién Antonio Molejón Iglesias, director xeneral de Salú Pública y Luis Manuel Flórez García, director técnicu de la Fundación C.Y.S.P.A. – Proxecto Home.

L’alcuentru, entamáu hasta güei, pola conceyalía de Mocedá al traviés del Plan Municipal sobre Drogues, axunta a 400 profesionales, axentes sociales, estudiantes y persones comenenciudes nel fenómenu de los consumos de drogues y les drogodependencies.

Les xornaes arrincaron pela mañana, a les 9:30 hores, con una ponencia inaugural al cargu de Desireé Ruiz Aranda, investigadora y profesora de la Universidá de Málaga. Esta ponencia faló de la influencia que tienen les emociones nel consumu de drogues. Tres la presentación oficial, Joan Ferrés Prats, profesor titular de la Universidá Pompeu Fabra ufiertó  una conferencia sol títulu La comunicación persuasiva como comunicación emocional.

Na xornada de güei  va siguise con dos meses d’esperiencies. Na primera va falase sobre esperiencies de prevención basaes na educación emocional, y na segunda van esponese distintes esperiencies d’intervención basaes nel entrenamientu pa un fayadizu manexu de les emociones.

 

Loading Facebook Comments ...