ConceyosEscéniquesMúsica L’Auditoriu acueye la Gala de Grandes Tenores, “esponente del añu na llírica española” by redacción asturnews 16 de setiembre, 2021 written by redacción asturnews 16 de setiembre, 2021 2,4K L’Auditoriu Príncipe Felipe d’Uviéu va acoyer güei xueves, dientro del programa de conciertos SanMateo2021, la Gala Llírica de Grandes Tenores BAG (Bros-Anduaga-Gandía) cola orquesta Uviéu Filarmonía,”unu de los grandes conciertos del añu na llírica española” sigún la presidenta de la Fundación Musical Ciudá d’Uviéu, Pilar Rubiera. “Tamos énte trés de les meyores voces españoles y con gran proyección internacional; pa Uviéu Filarmonía ye un luxu y un prestar esta gala”, añedió Rubiera, que tamién estimó al Conceyu “el so compromisu cola llírica”. L’Alcalde, Alfredo Canteli -acompañáu de la conceyala de Festexos, Covadonda Díaz- sorrayó na presentación que “esta gala ye xuna amuesa más del compromisu del Conceyu y de mi mesmu como Alcalde cola Llírica. El conciertu ye magníficu. Uviéu siempres va siguir creciendo en Llírica y en Clásica”. Los trés tenores, adelantraron esti xueves que va ser “una gran cita, un gran fiesta tenoril”, una gala “por que tolos asistentes esfruten y na que va quedar latente que la llírica nacional sigue bien viva”. “Llevo años presentando proyectos equí n’Uviéu, una ciudá a la que tengo un gran ciñu y que m’acoyó siempres. Nesta ocasión pruyíame faer daqué más y esto más que xuna gala de grande tenores va ser un ‘galón'”, dixo José Bros. Antonio Gandía destacó que coles pieces qu’escoyó quier faer un pequenu homenaxe a quien foi’l so maestru, Alfredo Kraus, y va cantar les pieces qu’él siempres cantó nos conciertos. Xabier Anduaga quixo estimar a tolos que fixeron posible unu de los sos suaños que ye cantar con dos grandes tenores como Gandía y Bros a los que siempres almiró. 0 FacebookTwitterPinterestEmail Anterior 1.180 estudiantes queden fora del máster pa ser docente n’Asturies siguiente L’Axencia d’Activación Xuvenil de Xixón abre plazu d’inscripción Tamién te podria gustar Iniciativa pol Asturianu y Barbón desixen a Adif... Semando Son amuesa’l nuevu folk asturiano L’Atles llingüísticu del Navia-Eo ponse n’accesu llibre Nun Tris abre les Xornaes del Festival Nel... El Trasiegu Fest va tener un mercáu con... Tatxers, Skabidean y la nueva escena musical Navarra... Aína entama’l cursu políticu con un actu n’Uviéu Algaire repite l’éxitu del 2022 en Lorient Ventanielles y Guillén Lafuerza van ser una “Fábrica... La Banda Gaites de Castrillón ufrió’l so repertoriu...