Portada Conceyos L’Atenéu Republicanu entama una charra de Luis Arias sobro l’himnu de Riego

L’Atenéu Republicanu entama una charra de Luis Arias sobro l’himnu de Riego

by redacción asturnews

Esti martes, día 21 de xineru, a les 19:30h., nel Salón d’Actos de la Escuela de Comerciu de Xixón y dientro de los actos que conmemoren el segundu centenariu del pronunciamientu de Cabeces de San Juan, l’Atenéu Republicanu d’Asturies, cola collaboración del Atenéu Obreru de Xixón, entama una charra sol títulu L’himnu de Riego en Unamuno y Baroja, al cargu de Luis Arias Argüelles-Meres.

Luis Arias Argüelles-Meres (Lanio, 1957) ye columnista, escritor y profesor de Llingua y Lliteratura nel IES “César Rodríguez”, de Grao. Collaborador habitual de les páxines d’opinión de los diarios La Nueva España, El Comerciu, La Opinión de Coruña y el Faro de Vigo, según collaborador de la revista asturiana Atlántica. Recibió dellos premios Premio “Fernando Vela” de Periodismu (1988), Mención Especial del Premiu d’Ensayu de Filoloxía Cervantina”, pol trabayu L’Oru na Plata. Cervantes nes xeneraciones del 98 y del 14 (Sociedá Cervantina, Madrid, 1992), Finalista del Premio “Café Xixón” cola novela Un Tren a Cuba (1998), Premio Llibertá d’espresión concedíu pol periódicu asturianu “La Voz del Occidente” (2002), Premiu de l’Asociación Manuel Azaña a la Llealtá Republicana (2004), Finalista del Premiu Alfredo Quirós”, convocáu pola Llibrería Cervantes d’Uviéu col ensayu Ortega y Asturies (2006), Premio Asturies de la Crítica (2014), na modalidá de columnismo lliterariu, concedíu pola Asociación d’Escritores d’Asturies. Ye tamién autor de numberoses publicaciones propies y en collaboración.

Tamién te podria gustar