Cine L’Atenéu Obreru de Xixón entama un ciclu de cine sobre Fernando León by asturnet 5 de xineru, 2007 written by asturnet 5 de xineru, 2007 47 El prósimu llunes, día 8 de xineru, entamará una nueva edición del Ciclu de Cine Ateneo de Película, entamáu pol Atenéu Obreru de Xixón, que nesta vegada fae un homenaxe al director de cine Fernando León de Aranoa. Esti ciclu faese cola collaboración del Teatru Xovellanos y la Fundación muncipal de Cultura de Xixón. Nesti ciclu proyectaránse Barrio, Caminantes y Princesas. Les proyecciones que se van facer los díes 8, 9 y 10 de xineru, a partir de les 20,30 hores. Llunes, 8 de xineru de 2007 Barrio (España, 1998) 98 min., Color, 35mm Ye branu y anque Rai, Javi y Manu quixeren tar n’otra parte vense obligaos a pasar les vacances coles sos families en Madrid, nel so barriu de tola vida. Comparten problemes y sueños, aburrimientu y diversión. Hai dalgo perenriba de too: l’amistá. Martes, 9 de xineru de 2007 Caminantes (España, 2001) 57 min., Color, 35mm La vida nuna pequeña población indíxena nel corazón de la meseta Purépecha vese alterada col anunciu de que la caravana zapatista va recorrer les sos cais camín a México D.F. Les autoridaes del llugar encamienten al mayestru de l escuela la redacción d’un discursu de bienvenida, la banda local entama a ensayar cantares, toles cases adórnense con flores… Mientes, dende dalgún puntu del camín, el subcomandante Marcos fala d’esti viaxe y del que l’Exercitu Zapatista entamó hai casi venti años na selva Lacandona. Miércoles, 10 de xineru de 2007 Princesas (España, 2005) 117 min., Color, 35mm Ésta ye la historia de dos muyeres, de dos putes, de dos princeses. Una d’elles llámasde Caye, tien casi trenta años, el flequillu de peluquería y un atyractivu discutible, de barriu. Zulema ye una princesa desterrada, dulce y oscura, que vive a diriu l’esiliu forzosu de la desesperación. Cuando se conocen tán en sitios diferentes, casi enfrentaos: son munches les moces equí que ven con mieu la llegada d’inmigrantes a la prostitución. Caye y Zulema nun tarden en comprender que, anque a cierta distantcia, les dos caminen pela mesma cuerda. De la so complicidá naz esta historia. Fernando León nació en Madrid en mayu de 1968 y ye llicenciáu en Ciencies de la Imaxe na Universidá Complutense de Madrid. La so obra cinematográfica comprende les más diverses xeres de la profesión dende la producción, Princesas; guiones, Los Lunes al Sol; documentales como Caminantes o Izbieglize. Como director de cine entamó cola galardonada Familia, pa siguir con Barrio, Los lunes al sol y Princesas. Cine 0 FacebookTwitterPinterestEmail Anterior Tejedor escosó la taquilla del Campoamor siguiente II Alcuentru de l’Asturianía moza del Conu Sur Tamién te podria gustar La gala de los Goya va celebrase en... Avilés proyecta “Patriarcáu, l’organismu nocivu”, un documental contra... La última Palma d’Oru en Cannes brilla nel... Empiecen les proyecciones pa escolares de la Selmana... La Pola acueye la proyección de “Ente les... El Festival SACU va acoyer l’estrenu del cine-conciertu... La Factoría Cultural proyecta “La Mina en Llapaes” Güei proyéctase en La Pola “You resemble me” Servicios Sociales de Xixón presenta’l documental ‘Guapes Hestories... La BICC proyecta’l documental “Varsavsky – El científicu...