Portada Conceyos L’Atenéu de Turón acueye un “Parlamentu de la Xente”

L’Atenéu de Turón acueye un “Parlamentu de la Xente”

by redacción asturnews
Cartelu del Parlamentu de la Xente nel Atenéu Turón

La formación Somos Mieres unto con Podemos Asturies, celebrará esti miércoles 9 de marzo, un “Parlamentu de la Xente” en el Ateneo de Turón a les 19 hores.

Nelli van tar presentes, los Diputaos Autonómicos Héctor Piernavieja y Andrés Ron, xuntu con Juan Luis Álvarez, miembru del Conseyu Ciudadanu de Podemos Mieres, que falaren de la situación en que s’atopa’l Consultoriu Periféricu de Turón y buscárense soluciones pa un nuevu Centru de salú.

L’actual consultoriu, tien un tamañu amenorgáu pa les necesidaes del vecinderu y atópase totalmente obsoletu, amás de tener un allugamientu non bien acertáu, al atopase asitiáu a la entrada de la zona, lo qu’enzanca que les persones que viven na zona alta y tienen dificultaes pa movese escontra’l mesmu veanse llindaes, a la hora realizar daqué tan senciellu, como allegar al médicu.

Dende l’añu 2007, vien anunciándose per parte de la conseyería, una y otra vez, l’entamu de les obres pa rehabilitar y dotar l’antiguu Colexu de la Sal-y como Centru Periféricu. Sicasí, lo qu’asocedió, ye que, col pasu del tiempu l’edificiu del Colexu foise deteriorando cada vez más y nun se realizó nenguna adecuación del mesmu.

Ye por ello, que dende’l Grupu Municipal de Somos Mieres, xuntu col Grupu Parlamentariu de Podemos Asturies, ven la necesidá d’escuchar y aldericar coles vecines y vecinos, polo que conviden a toles persones afectaes a allegase’l miércoles al Atenéu de Turón.

Tamién te podria gustar