Portada Sociedá L’asturianu ye la escoyeta mayoritaria en Campumanes y L.lena

L’asturianu ye la escoyeta mayoritaria en Campumanes y L.lena

by redacción asturnews
Foto: Rubén Marcos (https://www.flickr.com/photos/rubenmarcos/)

El 26% de los escolares de Primaria y Secundaria de L.lena opten pola asignatura d’asturianu y hai unu, el colexu Campumanes, onde la cursen tolos sos alumnos, lo que fai al conceyu pidir mayestros d’infantil, onde la ufierta nun ye obligatoria.

Son datos analizaos esti martes pola conceyala de Cultura, Mocedá y Política Llingüística, Rosa Morán, y el director xeneral de Planificación Llingüística y Normalización, Fernando Padilla, quien allegó al Conceyu pa conocer el desenvolvimientu del serviciu de normalización del conceyu, ún de los primeros y de los meyor afitaos d’Asturies.

Dambos responsables amosáronse satisfechos colos datos de matriculación que se rexistren nel conceyu y col impulsu que se ta dando dende’l gobiernu local al so usu nos distintos servicios municipales.

La conceyala señaló que “inda queda enforma trabayu por faer al respeutive”, pero camienta que se ta diendo pel bon camín y pidió al direutor xeneral una estratexa común de trabayu de los distintos servicios municipales de normalización llingüística por que cada conceyu nun vaiga per caminos distintos. L.lena recibe una subvención de 14.000 euros pal serviciu, al qu’apurre otros 30.000 euros propios dende los sos presupuestos.

Tamién te podria gustar