Portada Comunicación L’asturianu puntuará nes oposiciones docentes como yá lo facía’l gallegu o’l catalán

L’asturianu puntuará nes oposiciones docentes como yá lo facía’l gallegu o’l catalán

by redacción asturnews

Esta selmana l’Alderique d’Orientación Política tuvo una sorpresa al algamar l’aprobación una proposición presentada pol grupu parlamentariu socialista por que el asturianu puntúe como méritu nes oposiciones pa los y les docentes, que salió alantre gracies al votu favoratible del PP.

El caberu Alderique d’Orientación Política de la presente llexislatura finó cola votación de propuestes de resolvimientu que presentaron los partíos, saliendo adelantre 63 de les 152 presentaes polos distintos grupos. El PSOE vio aprobaes les sos 16 iniciatives, mientres Vox vio cómo los partíos progresistes refugaben les 21 iniciatives que presentara.

El PP algamó’l reconocimientu a 8 de les 25 propuestes que presentara, ente que Ciudadanos llogró sacar alantre 12 de les 25 que presentó; y Podemos vio aprobaes 17 de les 32 iniciatives presentaes.

Entre los resolvimientos aprobaos  na Cámara destacó’l presentáu pol grupu parlamentariu socialista por que el asturianu puntúe como méritu nes oposiciones pa los y les docentes. Esta iniciativa salió adelantre colos votos, entre otros, del PP, que votaó favoratiblemente la propuesta porque “como méritu yá puntúa y lo que se plantega ye que los certificaos dar funcionarios del Principáu y non solo l’Academia de la Llingua”, amosando un conocer la situación del asturianu nin de les sos certificaciones qu’enxamás nun puntuara como méritu nes oposiciones docentes, al contrariu del catalán o’l gallegu, que si lo fain dende hai tiempu.

Na mesma votación, Podemos sacó adelantre una propuesta pa tomar toles midíes necesaries pa garantizar la presencia de les llingües propies d’Asturies na programación de Radio Televisión del Principáu d’Asturies (RTPA) con un tratamientu dignu, global y permanente».

Tamién te podria gustar