L’asturianu ameyora colos nuevos currículos de secundaria espublizaos el martes

L’asturianu ameyora colos nuevos currículos de secundaria espublizaos el martes
31 agostu 13:25 2022 Imprimir

El Gobiernu d’Asturies completa l’adaptación a la nueva llei cola aprobación de los currículos d’ESO y Bachilleratu que fai xorrecer les hores que se dediquen a l’signatura de llingua asturiana nel bachillertu mientres qu’amenorga na ESO, pero con un saldu positivu.

El Conseyu de Gobiernu aprobó güei, n’una xunta estraordinaria, los decretos qu’establecen los currículos d’Enseñanza Secundaria Obligatoria (ESO) y Bachilleratu afechos a la nueva llei orgánica d’Educación (la LOMLOE) que van empezar a aplicase n’Asturies esti cursu. Los documentos, basaos nel desenvolvimientu realizáu pol Ministeriu d’Educación
y Formación Profesional, afonden nel aprendizaxe competencial, van rexise por principios tresversales como la igualdá, ponen el focu na dixitalización, atienden a la diversidá del alumnáu y amonten la optatividad.

La Conseyería d’Educación, que cumplió asina col compromisu adquiríu d’aprobar los currículos antes del entamu de cursu, desenvolvió un intensu llabor de planificación en contactu permanente colos equipos directivos de los centros, a los que foi informando con antelación de les principales novedaes, amás de percanciar les sos aportaciones y esclariar les sos duldes, según desplicaba ayeri la Conseyería d’Educación nuna nota de prensa.

El 5 de mayu informose a les direcciones de los centros de les novedaes de los currículos d’Infantil y Primaria, y el 12 de mayu, de les de Secundaria y Bachilleratu. El 18 del mesmu mes, los responsables de la conseyería axuntaron colos comités de direcciones pa presenta-yos los cambeos más relevantes y percanciar aportaciones y duldes, que fueron respondíes a los equipos directivos por escritu en 48 hores. De la mesma, el 14 de xunu la conseyería unvió a los centros la primer edición de les orientaciones pal fin de cursu y pa la planificación del 2022-2023, y el 30 de xunu, la edición definitiva. El 12 de xunetu publicaron les circulares d’entamu de cursu. Y finalmente, el 22 de agosto Educación unvió a los centros les orientaciones pa la implantación de los ámbitos (agrupación de materies n’un área de conocencia) en
Primaria y Secundaria.

Na adaptación de la llei al ámbitu autonómicu, la conseyería siguió les premises de la conocencia de la realidá asturiana, incluyida la llingua, o’l trabayu por proyectu y ámbitos. Fundamentalmente, la concreción curricular consistió en reformular principios y estratexes pa contribuyir al desenvolvimientu integral del alumnáu, atendiendo a la so diversidá y facilitando preseos que-y dexen formar se de manera que pueda trazar un proyectu de vida.
Dambes etapes tán marcaes pol enfoque competencial, que se venceya col aprendizaxe a lo llargo de la vida. En términos xenerales, la llingua estranxera caltien la so carga horaria y la llingua asturiana gana 3 hores, inclúyense asignatures venceyaes a la dixitalización y, dientro del marxe autonómicu, ufiértense Filosofía y Legáu Clásicu.

Nes dos etapes, los currículos introducen conteníos pa la conocencia de la memoria democrática d’Asturies. Na ESO intégrase nos cuatro cursos na asignatura de Xeografía y Hestoria, concretamente nel bloque de saberes básicos Sociedá y territorios. Nel primer cursu de Bachilleratu incluyir na asignatura de modalidá Historia del Mundu Contemporaneu, nos bloques denominaos Sociedaes nel tiempu y Compromisu cívicu. A lo último en segundu de Bachilleratu l’estudiu de la memoria democrática diversificando en delles asignatures que complementen los conteníos con trabayos colaborativos y actividaes extraescolares.

Dientro del so marxe autonómicu, el Gobiernu d’Asturies decidió incluyir Filosofía, con dos hores selmanales en 4º. N’eseimesmu cursu, otra novedá rexonal ye la inclusión d’un Taller d’Economía Aplicada. Coles mesmes, en 1º añedir Digitalización y en 3º, Proyectu de Emprendimiento Social. Cultura Clásica caltiénse en
2º. Con esti currículu, cobra especial importancia l’acción tutorial y l’orientación educativa, sicopedagóxica y profesional, tanto nel accesu a un nuevu centru como na fase d’aprendizaxe y na posterior elección d’opciones formatives o profesionales.

El currículu de Bachilleratu, que caltien la so estructura en dos cursos, ye más flexible y podrá reordenase en trés pa una serie d’alumnáu concreto. Por casu, aquel que tea cursando enseñances profesionales de música o de danza, deportistes d’altu rendimientu y quien rica de sofitu educativu.

Educación afixo les enseñances a les peculiaridaes del Principáu cola introducción de conteníos y procedimientos nes
distintes materies que dexen conocer el patrimoniu cultural asturianu nel so más ampliu contestu. Destaca, amás, la importancia de la dixitalización.

Como gran novedá, el currículu inclúi’l Bachilleratu Xeneral, diseñáu pa flexibilizar la ufierta educativa y empobinar al alumnáu que nun se decidió per un área de conocencia concreta y quier cursar de manera equilibrada materies científiques, tecnolóxiques, humanístiques, económiques y artístiques.

Currículu de Bchilleratu.

Currículu de la ESO.

  Categories:
Loading Facebook Comments ...