L’arte de vanguardia rusu dende’l movimientu Dadá llega al Reina Sofía

08 xunu 08:38 2018 Imprimir

El Muséu Reina Sofía acueye dende esti miércoles 6 de xunu hasta’l 22 d’ochobre la esposición Dadá rusu 1914-1924, un percorríu pol arte de vanguardia rusu dende la perspectiva de los cánones del movimientu Dadá. L’amuesa centra la so atención nes traces que comparten dambos enclinos.

Sigún esplicó’l director de la Reina Sofía, Manuel Borja-Villel, esta amuesa, que cunta con material inédito”, ufierta una “visión distinta de la modernidá” y componse de casi 500 obres, ente elles 250 pintures, colaxs y dibuxos; 73 fotografíes, 150 documentos y publicaciones y 22 películes y audios.

Alredor de 90 artistes procedentes tantu de Rusia como d’otros países europeos formen parte d’esta amuesa y ente ellos atópense Natan Altman, Iván Kluin, Gustav Klutsis, El Lisitzki, Kazimir Malévich, Vladímir Mayakovski, Iván Puni, Aleksandr Ródchenko, Olga Rózanova, Vladímir Tatlin, Natalia Goncharova, Francis Picabia, Kurt Schwitters o Man Ray. Tal que indicó Borja-Villel, esta esposición, que cunta con obres procedentes de centros como’l Muséu Stedelijk de Ámsterdam, el Centre Pompidou de París, el Muséu de Mayakovski de Moscú o’l Muséu Estatal de Belles Artes Pushkin, solo podrá vese nel Reina Sofía, cuidandoo que los préstamos son “prácticamente imposibles de consiguir”.

En palabres de la comisaria d’esta amuesa, Margarita Tupitsyn, la esposición estremase en trés secciones y el percorríu entama en 1914, al empiezu de la Primer Guerra Mundial y nos años previos a la revolución rusa, con una amuesa de les primeres manifestaciones protodadá y otres obres que reflexen l’impactu bélicu européu, que estos artistes “refugaron” y “sufrieron”.

L’amuesa sigue cola sección que toma los años que van dende 1917 a 1924, dende’l trunfu de la revolución rusa hasta la muerte de Lenin, y pon atención na temática revolucionaria, y termina con ‘Dada Bridge’, qu’analiza les conexones ente Rusia y los principales centros dadaístes.

Xuna de les característiques d’esta esposición ye’l calter multimedia qu’amuesa l’arte ruso de la dómina y,  ello ye qu’ábrese con una zona introductoria na que se proxecten trés vídeos qu’aluden a les secciones que componen esta amuesa: ‘Victoria sobro’l sol’ (1913), ‘Revolución interplanetaria’ (1924) y ‘Rayu de la muerte’ (1925).

Coles mesmes, esta amuesa pon atención nes implicaciones polítiques mientres la Primer Guerra Mundial, les dos revoluciones ruses y el cambéu de lideralgu de Lenin a Stalin. Precisamente, según destacaron el organizadores, les performances estravagantes, les campañes antibélicas, la negación del arte clásico y l’innovadora forma de fundir lo visual y lo verbal son dalgunos de les traces compartíes ente la vanguardia rusa y el movimientu Dadá.

El director de la Reina Sofía indicó qu’esti percorríu pol arte de vanguardia rusu dende la perspectiva del movimientu Dadá forma parte de la triloxía qu’empezó cola amuesa dedicada a Pessoa, y que va terminar con un percorríu polos artistes estranxeros nel País de los años 50 y 60.

Pela so parte, el conseyeru de Cultura, Turismu y Deportes de la Comunidá de Madrid, Jaime de los Santos, destacó qu’esta esposición “pon en valor l’aportación rusa al movimientu Dadá” y nella l’espectador va tener qu’asitiase énte les obres d’un impulsu “provocativamente feroz”.

  Categories: