Portada Lliteratura L’Arribada anunció yá’l xuráu del IV Premiu Timón p’autores n’eonaviegu y asturianu

L’Arribada anunció yá’l xuráu del IV Premiu Timón p’autores n’eonaviegu y asturianu

by asturnet

L’asociación cultural l’Arribada dio anuncia yá del xuráu que decidirá’l ganador del IV Premiu Timón, p’autores en llingua asturiana y n’eonaviego. Pa esta edición, optaron a los gallardones los escritores que nacieren nel añu 1960 o anteriormente.

P’alcordar el premiu, l’asociación convocó un xuráu integráu por persones venceyaes a la cultura del país, nesta ocasión integráu por Alberto Álvarez Peña, Vicente García Oliva, Aurora García Rivas, Humberto Gonzali, Jorge Espina, Inaciu Iglesias y Xuan Xosé Sánchez Vicente, ganador de la segunda edición.

Esta distinción, que consiste nuna obra del escultor y ceramista xixonés Jesús Castañón, va entregase durante la celebración de L’Arribada 2010, dientro de la so estaya Vagamar, y que va facese del 18 al 25 de setiembre. Los candidatos pa esti VI Premiu Timón son Pablo Ardisana, Manuel Asur, Roberto González-Quevedo y Miguel Rojo.

Los ganadores anteriores fueron, en 2007, Nené Losada Rico, en 2008, Xuan Xosé Sánchez Vicente y, en 2009, Manuel García ‘El Galano’.

Tovía nun se conoz el xuráu pa la edición del concursu d’autores en castellán.

Tamién te podria gustar