L’app de videoconferencia Zoom conquista Llatinoamérica

L’app de videoconferencia Zoom conquista Llatinoamérica
08 abril 09:13 2020 Imprimir

Coles midíes de cuarentena qu’adoptaron casi tolos gobiernos llatinoamericanos pola mor del COVID-19 (sacante Brasil), detectóse un marcáu aumentu nel usu de delles aplicaciones de mensaxería y otros servicios de telecomunicación y una de les ganadores ye l’aplicación de videoconferencia Zoom.

Y ye que, na era dixital, la obligación de tener que permanecer dientro de casa nun esclúi la posibilidá de socializar de manera remota. Asina lo reflexa la enorme cantidá de descargues qu’esperimentó l’aplicación Zoom Cloud Meetings, una plataforma desenvuelta n’Estaos Xuníos que dexa realizar videollamaes y caltener xuntes virtuales.

Como amuesa esti gráficu de Statista, Zoom rexistró nada menos que 1,4 millones de descargues en Google Play Store en Brasil del 25 de marzu al 1 d’abril de 2020, lo que la convierte na app más descargada d’esa selmana nel país carioca. Según estimaciones de la base de datos de Priori Data, esta aplicación de videos foi instalada 745.700 vegaes en México nos postreros siete díes al traviés de la plataforma de Google, allugándose en segundu llugar de les más demandaes nesti país, dempués de TikTok. Nel mesmu periodu, Zoom tamién foi l’aplicación más descargada polos usuarios chilenos, arxentinos y colombianos.

Fuente: https://es.statista.com

  Categories: