“L’Antroxu de PIM PAM FORA” d’Uviéu, al cargu de la Compañía Almozandia

“L’Antroxu de PIM PAM FORA” d’Uviéu va tar esti martes al cargu de la Compañía Almozandia nel Palaciu de Congresos y Esposiciones. Un espectáculu de teatru, con voces y música en directu, pa xugar en familia y celebrar l’antroxu d’una forma segura, ye la propuesta.

Cunten qu’esiste un llugar llamáu “PIM PAM FORA”, ¿conocer? Nun ye un sitiu cualesquier, ye un monte misteriosu onde habiten unos simpáticos personaxes que nun paran de xugar.
Bien ye sabíu que, dichu llugar, ta abiertu a tol mundu que tea dispuestu a rir, cantar y baillar. ¿Quies enfusate nél? …  Date priesa y ven a afayalo, porque nos dixeron qu’el so antroxu ta a puntu d’empezar y tolos sos seres máxicos, celebrar d’una forma bien especial.

Asina que… ¡abríi los armarios, coyéi ropes vieyes, sombreros, corbates, mázcares y mázcaros. ¡Que repiquen les campanes, que doblen los platillos, que resonen les cornetes, que dancien cuerdos y llocos, que rellumen amarutar y que reine la fantasía!

Sei toos y toes bienveníos, tomái asientu… ¡Y qué empiece l’antroxu!

Animación infantil: Zancudos malabaristes, moñecos cabezonos animaos y “A rise per ñarices”. Cola collaboración de Cometa Verde y Asociación  Nariz Azules