L’Antiguu Institutu acueye’l Documental del Mes

10 abril 08:22 2018 Imprimir

 

El Centru de Cultura Antiguu Institutu y más concretamente’l so Salón d’actos va acoyer esti martes 10 d’abril a les 19.30 hores el Documental del Mes d’abril.

«¿Qué pasó en Grecia?», pregúntase’l cineasta noruegu Håvard Bustnes al entamu d’esti esmolecedor documental. Nos últimos años, la imaxe d’un país con sableres soleyeres y xente amigable foi escurecida por ideoloxíes polítiques cercanes al nazismu que s’encarnen n’Amanecer Doráu, el partíu que nes elecciones de 2012 consiguió 21 escaños nel parlamentu griegu. Cuando numberosos miembros destacaos del partíu son encarcelaos, les sos muyeres (ente elles, la fía del líder Nikos Michaloliakos) tomen les riendes de la formación y siguen tresmitiendo’l so mensaxe. Toes elles tienen abonda esperiencia pa evitar resquiebros nel discursu oficial y asegúrense de que les entrevistes que-yos faen queden tal que quieren.

Pero nun momentu de distracción el director fuxe corriendo cola cámara y consigue grabar imaxes comprometíes del partíu neonazi. El material resultante, complementáu con imaxes d’archivu, nun dexa nenguna dulda sobro’l llau malváu d’esti partíu políticu y revela l’abilsu, cada vez más claru, ente la realidá y la imaxe que pretende dar.

  Categories: