L’alumnáu de Primaria y Secundaria va faer les reválides’ el 15 y 16 de mayu

L’alumnáu de Primaria y Secundaria va faer les reválides’ el 15 y 16 de mayu
21 marzu 09:43 2019 Imprimir

L’alumnáu de Primaria y Secundaria tendrá de faer otra vuelta les reválides esti añu. Van ser 2.649 alumnos y alumnes de sestu de Primaria y 2.455 de cuartu de Secundaria que van realizar los exames los próximos 15 y 16 de mayu.

Caltiénense, siquier mientres un cursu más, les tan  ‘reválides’, que na realidá denomínense prebes d’Evaluación de Diagnósticu. Primero teníen efectos académicos, pero agora yá nun los tienen. Más tarde fueron criticaes anque fueren solo ‘diagnóstiques’. Y finalmente caltuviéronse.

D’esta forma, 2.649 alumnos de sestu de Primaria y otros 2.455 de cuartu de Secundaria van realizar los exames los próximos 15 y 16 de mayu, tal que aprobó la Conseyería d’Educación, que publicó yá’l resolvimientu que determina cómo y cuándo se van llevar a cabu les pruebes y ayeri dio treslláu d’elles a los miembros del Conseyu Escolar del Principáu.

L’alumnáu va tener que demostrar sos conocencies en distintes árees anque, como asocedió hasta agora, les pruebes van tener un calter formativu y orientador pa los centros docentes ya informativu pal conxuntu de la comunidá educativa». «En nengún casu -dexa claro’l resolvimientu- les resultancies d’esta evaluación van poder ser utilizaos pal establecimientu de clasificaciones de los centros docentes, nin pa modificar les resultancies alcanzaes pol alumnáu nel so procesu d’evaluación continua».

Les reválides’ van llevase a cabu en 97 colexos de Primaria (78 públicos y 19 de titularidá privada) y 46 de Secundaria (26 públicos y 20 privaos). Tanto nel exame de sestu de Primaria como de cuartu de Secundaria comprobará’l nivel en comunicación llingüística en Llingua Castellana ya Inglés y competencia matemática. A los pequeños sumase la Ciencia y Tecnoloxía y, a los mayores, la competencia social y cívico. Toos van faer la prueba en formatu papel y tamién toos van faer un cuestionariu de contestu, daqué que tamién tendrán de rellenar l’equipu directivu, el tutores de los grupos, el profesores de les materies evaluaes y les families. Con tola información va ellaborase un informe que se va publicar yá’l próximu cursu.

  Categories: