Portada Conceyos L’alumnáu de los IES de Carreño y Gozón afítase contra la violencia de xéneru

L’alumnáu de los IES de Carreño y Gozón afítase contra la violencia de xéneru

by redacción asturnews
Cartel contra la violencia xéneru nel Cabu Peñes

Embaxo’l títulu “Amores reñíos… momentos perdíos”,  alumnos y alumnes de los IES de la mancomunidá del Cabu Peñes desenvuelven actividaes contra la violencia de xéneru nestos díes.

L’actividá preparada pal “Día contra la violencia de xéneru”, vieno organizada pol Serviciu de Normalización Llingüística de la Mancomunidá d’El Cabu Peñes en collaboración col alumnáu y profesoráu de Llingua Asturiana de los IES de Carreño y Gozón.

L’alumnáu d’estos centros ha mandar los sos cachinos de pensamientu en frases contra la violencia de xéneru al corréu electrónicu del Serviciu de Normalización Llingüística de la Mancomunidá d’El Cabu Peñes. Nesta actividá va poder participar l’alumnáu de Llingua Asturiana de secundaria de los IES de Carreño y Gozón. Van poder mandase les frases hasta la selmana del 25 de payares, “Día contra la violencia de xéneru”

N’iguando los trabayos, la responsable del SNL comunicará la frase ganadora al profesoráu de los centros. L’autor o l’autora recibirá dellos llibros y la so frase sedrá l’eslogan pal añu qu’entra de la collaboración del SNL a esti día conseñáu nel calendariu. El restu frases van recoyese nel facebook del mesmu serviciu.

Tamién te podria gustar