L’ALPEE ufierta formación en nueves tecnoloxíes de 5.220 hores

L’Axencia Local d’Empléu del Conceyu de Xixón va ufiertar un plan de formación en Tecnoloxíes de la Información y Comunicación y en digitalización de 5.220 hores, que se va desenvolver en dos ediciones de forma presencial de 2.610 hores caúna, la primera empieza anguaño y la segunda va tener llugar el segundu trimestre de 2022.

Esta iniciativa, demandada poles empreses del conceyu, cuenta con 390 places (195 por edición) y va dirixida a persones empadronaes en Xixón y en situación de desemplegu, teniendo preferencia  trabayadores en ERTE o con xornaes parciales y persones autónomes.

Amás d’acciones formatives, esti programa pioneru introduz itinerarios formativos, qu’inclúin beca d’asistencia, módulos de competencies tresversales pal emplegu (trabayu n’equipu, cultura llaboral, habilidaes de comunicación, igualdá y emprendimiento, ferramientes de busca activa d’empléu dixital, etc.), según la posibilidá de realizar práctiques non llaborales n’empreses o de llograr certificaos oficiales del sector. Los conteníos d’estos itinerarios formativos son los siguientes:

–    Ciencia de datos: Big data, Business Intelligence, almacenamientu de datos. (320 hores)
–    Edición dixital: tratamientu dixital imaxes, diseñu y maquetación de llibros dixitales, diseño web, vídeu, diseñu 3D (320 hores).
–    Ciberseguridad: ferramientes de auditoria y seguridá en dispositivos móviles, servidores web y certificaciones técniques (320 hores)
–    Comerciu esterior: información de mercaos, compraventa y pagu internacional, inglés aplicáu al comerciu y customer relationship management (420 hores)
–    Comerciu electrónicu, con  preparación para l’exame del certificáu oficial Google Analytics: plataformes on-line comerciales, esperiencia d’usuaries y usuarios, marketing dixital, allugamientu y redes sociales (420 hores).
–    Xestión llaboral: xestiones de seguridá social, programa A3 nómines, sistemes RED, Contrat y Delt, y lliquidación directa SILTRA (180 hores).

Más información