ConvocatoriesEducación L’ALLA convoca les prebes de conocencia de 2022 by redacción asturnews 17 de mayu, 2022 written by redacción asturnews 17 de mayu, 2022 2,7K L’Academia de la Llingua Asturiana, sabiendo’l fondu interés de munches persones de llograr que se reconoza la so conocencia de la llingua, vien faciendo dos convocatories añales onde evalua la conocencia del asturianu y vieno acabante facer la convocatoria d’esti añu. Como siempres, la convocatoria faise acordies a les normes que vienen darréu: 1. Sicasí, en previsión del meyor escenariu sanitariu, esti añu 2022, namás va haber una convocatoria única nel mes de mayu, el día 28. Tará abierta a toles persones interesaes. El formulariu apaez calcando equí. 2. El plazu de matrícula va del 2 al 25 de mayu de 2022. Preciu: 20 €. Más información nel teléfonu 985 21 18 37 y n’alla@academiadelallingua.com. 3. A les persones declaraes aptes, l’Academia dará-yos un documentu onde s’afite la conocencia nel nivel 1 o básicu según los calces siguíos por esta Institución. 4. Les persones que nun superen les pruebes del nivel 1 podrán presentase a nueves convocatories toles vegaes que quieran. 5. La prueba va tener dos partes: a) Escrita: dictáu, exercicios gramaticales comprensión de testu y redaición. b) Falada: conversación colos miembros del xuráu. 6. Pal bon resultáu d’estes pruebes habrá tenese un dominiu básicu de les estayes que vienen darréu: a. ESTAYA LLINGÜÍSTICA a1. Teoría gramatical: conocencia y dominiu del funcionamientu gramatical del asturianu y de la normativa académica. a2. Práutica escrita: emplegu amañosu de la llingua, puestu en práutica gracies a exercicios gramaticales y de composición escrita. a3. Práutica oral: emplegu faláu de la llingua, nuna situación real o imaxinaria, que se va valorar nuna conversación colos miembros del xuráu calificador. b. ESTAYA DE LLINGUA Y SOCIEDÁ Conocencia del allugamientu de la llingua dientro de la sociedá asturiana asina como del procesu de normalización en que ta inxerta. Nota. Resulta imprescindible conocer les xeneralidaes gramaticales de la llingua asturiana y los aspeutos básicos de la so normativa ortográfica (Normes ortográfiques, ALLA, Uviéu, 2021, 8ª ed.; Gramática de la Llingua Asturiana, ALLA, Uviéu, 2008, 3ª ed. reimpresión). Asina mesmo, aconséyase la llectura de testos fechos acordies cola normativa, como los asoleyaos por esta Academia. 0 FacebookTwitterPinterestEmail Anterior Avilés abre la convocatoria de subvenciones pa proyectos d’inclusión social siguiente LibrOviedo acueye la presentación del númberu 25 de Cultures Tamién te podria gustar Payares acueye les XLI Xornaes Internacionales d’Estudiu de... Nun Tris abre les Xornaes del Festival Nel... Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes L’ALLA abre’l plazu pa los cursos de la... “Misteriu nel Soterrañu” algama’l premiu Alfonso Iglesias de... Tapia acueye la presentación del II Premiu «Quiastolita»... El Principáu y la UOC firmen un conveniu... Asturies destaca en comprensión llectora