Turismu L’Alhambra reabre col so aforu amenorgáu a la metá by redacción asturnews 16 de xunu, 2020 written by redacción asturnews 16 de xunu, 2020 421 L’Alhambra de Granada reabre les sos puertes el 17 de xunu con un 50 per cientu del aforu, 4.250 entraes diaries a la vienta, y la reincorporación del 70 per cientu de los emplegaos públicos del patronatu que xestiona’l monumentu, que va tener cambeos nel so itinerariu. Asina lo indicó’l Patronatu de la Alhambra y el Generalife nuna nota, en qu’especificó qu’esta selmana pasada entamaron a realizase les pruebes del coronavirus a los emplegaos, y con tolos espacios fayadizos a les condiciones de seguridá ya hixene pa “garantizar la seguridá tantu del personal como de los visitantes”. Tocantes a la organización de la visita, l’itinerariu va sufrir pequenos cambeos, sobremanera en dellos accesos y salíes. Asina, la Puerta de la Xusticia, por cuenta de la so configuración en recodo, va tener un únicu sentíu de salida, facilitando asina la desconxestión del fluxu de visitantes en momentos de mayor arribación, y la puerta de los Carros va caltener el doble sentíu de circulación actual. La salida de la Alcazaba, pela so parte, va realizar pol xardín de los Adarves. El Patronatu de la Alhambra y Generalife, que tamién va ameyorar el so control d’accesu tres la entrada a valir el pasáu 1 de mayu del nuevu sistema de vientes d’entraes, va regular les files tantu na zona d’Atriu como nel accesu a Palacios Nazaríes, onde se va caltener la diferenciación ente visitantes individuales y grupos, al igual que nos xardinos del Generalife y la Alcazaba. 0 FacebookTwitterPinterestEmail Anterior Entama’l procesu d’almisión d’alumnos n’Asturies siguiente Ken Follett va publicar en septiembre la precuela de ‘Les pilastres de la Tierra’ Tamién te podria gustar Uviéu programa’l ciclu Vetusta Jazz con artistes como... Una ventena de países africanos xúnense al Foru... Xixón va acoyer el V Alcuentru de la... Presentáu’l segundu capítulu de ‘Gijonomía’: una hestoria de... Nueva ruta de realidá aumentada na Casa Natal... Cirque du Soleil representará en Xixón OVO pal... Turismu activa’l Navibús, que va dexar esfrutar d’un... El Tren Navidiegu va percorrer el centru d’Avilés... La Fundación de Cultura anicia los itinerarios sobro... Récord de públicu nes actividaes del CILCAC d’Avilés...