ConceyosEducación L’alcaldesa espón el modelu participación xuvenil d’Avilés nel Congresu de Ciudaes Amigues de la Infancia by redacción asturnews 28 de payares, 2019 written by redacción asturnews 28 de payares, 2019 148 L’alcaldesa d’Avilés, Marviví Monteserín, participó esta selmana na mesa d’alcaldes y alcaldeses dientro del V Congresu de Ciudaes Amigues de la Infancia que se celebra dende ayeri en Madrid, entamáu por UNICEF España y espunxo ellí’l modelu participación infantil y xuvenil d’Avilés. L’alcaldesa destaca’l protagonismu de neños, neñes y adolescentes na ellaboración de los Planes que recueyen les sos propuestes y moliciones. Participaron tamién Alejandro García de Los Glayus y Roberto Apuertes en representación del Conseyu d’Infancia y Adolescencia d’Avilés. Na so mesa tuvo acompañada polos rexidores de Alcobendas (Rafael Sánchez Acera) y Vïcar (Antonio Bonilla Rodríguez), y por unu de los miembros del Comité de los Derechos del Neñu de UNICEF, José Ángel Rodríguez Reyes. Amás de Monteserín, participaron nel programa d’esti Congresu Roberto Apuertes, en representación del Conseyu de la Infancia y l’Adolescencia d’Avilés, y Alejandro García de Los Glayus (entidá dinamizadora de les acciones del Conseyu). Na so intervención, l’alcaldesa d’Avilés destacó la responsabilidá que pa ella supon “pertenecer a dos redes como la de Ciudaes Amigues de la Infancia y la de Ciudaes Educadores: supon un compromisu entá mayor qu’el qu’adquieres cola ciudadanía polo xeneral porque ye un compromisu con una población qu’esixe, que tien les antenes más fresques que los demás y que siempres ponen novedaes sobro la mesa”. Añedió que ye un compromisu que “nada tien que ver coles modes, ye un trabayu sistemáticu que’l so oxetivu ye que la población más nueva contribuya a desenvolver un conceutu de ciudá y la qué queremos nel futuru, al traviés del analís, de conocenos bien y de proxectanos y completar los nuesos oxetivos”. L’alcaldesa recordó que nesti momentu’l Conseyu de la Infancia y Adolescencia d’Avilés “ta desenvolviendo’l so III Plan, con un percorríu temporal hasta 2022”. Esti plan naz de la evaluación del anterior, de la reformulación de determinaes propuestes y de nueves aportaciones. Pa Monteserín, lo más importante ye que se trata de Planes fechos directamente polos neños, les neñes y los y les adolescentes nun procesu nel que los técnicos actúen como asesores pal desenvolvimientu de los oxetivos”. 0 FacebookTwitterPinterestEmail Anterior ‘Colunga na memoria’ trai a Xixón fotografíes d’Emilio Alonso ente 1906 y 1936 siguiente El Serviciu de Mocedá ufierta cuatro places pa un cursu en Berlín sobro árees industriales y postindustriales Tamién te podria gustar Iniciativa pol Asturianu y Barbón desixen a Adif... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII... L’ALLA abre’l plazu pa los cursos de la... La comedia “Guau” pieslla “escenAvilés” esti miércoles