L’Alcalde pauta con OTEA “trabayar xuntos pa enllenar Uviéu de xente”

L’Alcalde pauta con OTEA “trabayar xuntos pa enllenar Uviéu de xente”
15 xunetu 18:00 2019 Imprimir

L’Alcalde d’Uviéu, Alfredo Canteli; el conceyal d’Hostelería, Turismu y Congresos, Alfredo García Quintana y la directiva de OTEA: el so presidente, José Luis A. Almeida; el vicepresidente, Fernando Corrolada y el presidente de les Xunta local d’esta entidá n’Uviéu, David González Codón, caltuvieron esta selmana pasada una xunta, en dependencies municipales, pa encetar la situación del sector hosteleru y la so importancia para la dinamización de la ciudá.

Al términu del alcuentru, el conceyal d’Hostelería, Alfredo García Quintana, aseguró que “dambes partes coincidimos n’oxetivos principales y que pasen, fundamentalmente, por volver enllenar Uviéu de xente y recuperar l’actividá empresarial y comercial y n’ese sentíu’l Comerciu y l’Hostelería son fundamentales. OTEA y l’equipu de gobiernu va collaborar en desenvolver proyectos beneficiosos para los uvieinos, para la ciudá y para Asturies.

Almeida calificó la xunta de “ilusionante” y aseguró que “ye la primer vegada en cuatro años que venimos a una xunta col Alcalde”. Al so xuiciu “Uviéu tienen qu’enllenase d’actividaes y llograr que recupere la rellumanza perdida nos últimos años”. Al respective de los asuntos encetaos na xunta, el presidente de OTEA especificó que “falemos de faer coses que valgan la pena y que riquen, en dellos casos, modificar ordenances.

El presidente de OTEA caltuvo que la postura del sector ye que “les fiestes de San Mateo tienen que ser de los hosteleros. Los chiringos rellacionaos con partíos políticos tienen que dexar de desenvolver esa actividá. Sofitamos a los de les asociaciones de vecinos. Pero hai que camudar el modelu. Vamos Ser sensatos cola ciudadanía y l’equipu de gobiernu pero yo creo que yá ta bien de que los chiringos políticos sigan vendiendo nes fiestes lo que los hosteleros tenemos que vender”.

  Categories: