L’alcalde fai la tradicional recepción a estudiantes d’Indiana n’Uviéu

by redacción asturnews | julio 19, 2019 8:40 am

L’Alcalde, Alfredo Canteli, recibió na mañana del miércoles al pie de los Tenientes d’Alcalde Nachu Cuesta y Mario Arias y los conceyales Lourdes García, Diego Valiño, Lucía Falcón y Natalia Sánchez, a 32 alumnos d’español que participen nel programa d’inmersión cultural de la Universidá d’Indiana.

El rexidor encamentó-yos “esfrutar al máximu esta esperiencia tantu a nivel cultural como personal”, por que puedan ser embaxadores d’Uviéu y Asturies una vegada que tornen a les sos cases el próximu día 23 de xunetu.

La coordinadora del proyectu, Mariví Díez, estimó’l recibimientu a la Corporación municipal, y sorrayó la importancia d’esti programa empecipiáu en 2007, nel que participen añalmente una media de 30 alumnos.

Source URL: http://asturnews.com/lalcalde-fai-la-tradicional-recepcion-a-estudiantes-dindiana-nuvieu/