Portada Emigración L’alcalde de Cabrales tuvo visitando la emigración asturiana en Cuba

L’alcalde de Cabrales tuvo visitando la emigración asturiana en Cuba

by asturnet

Jose Perez Prieto, alcalde de Cabrales, pasó dos selmanes percorriendo diferentes provincides cubanes y visitando a los emigrantes asturianos y a los sos descendientes que viven na islla caribeña. Nesti viaxe, que suma’l númberu quince per parte del políticu cabraliegu, aprovechó pa repartir medecines y ayudes económiques de parte del so conceyu y de los de L’Infiestu, Piloña, Peñamellera Alta, Peñamellera Baxa y Ribedeva.

Perez Prieto foi acoyíu con entusiasmu pola colectividá asturiana dde Camagüey, na que dexó un paquete de medecines y 35 euros per cápita a emigraos y a descendientes mayores o n’estáu de necesidá. Un percorríu asomeyáu fíxolu peles provincies de Pinar del Río, Villa Clara y L’Habana, onde foi recibíu na se de la Federación d’Asociaciones Asturianes (FAAC).

Manolo Perez, presidente de la sociedá Fios del Partíu de Llanes qu’agrupa a la mayor parte de los nacíos nestos conceyos asturianos agradeció emocionáu esti xestu de solidaridá de la tierra d’orixe pa con aquellos descendientes que tanto lo necesiten al otru llau del Atlánticu.

Emigrastur

Tamién te podria gustar