L’Alcalde anuncia delles actuaciones de meyora en Gascona

L’Alcalde, Alfredo Canteli visitó esti febrero la cai Gascona y aprovechó p’anunciar delles obres de meyora “nesti magníficu llugar d’Uviéu, referencia para munchos turistes y una zona bien importante para la nuesa economía y emplegu”.

L’alcalde adelantró que “en cumplimientu d’una hestórica demanda de los hosteleros d’esta zona, la escultura de La Guisandera va treslladase a unos metros del so allugamientu actual, al centru de la plaza y a pidimientu del Club de Guisanderas. Tamién se va conectar la parte de riba cola de baxo de la cai Gascona por aciu el mesmu pavimentu, calteniendo’l pasu de cebra, y van asitiase dos lletreros en dambos estremos de la vía”, obra del arquiteutu Julio Abargane.

El presidente de los hosteleros de la cai Gascona, Pedro Caramés, estimó al Alcalde “el so compromisu con esta cai y con la nuesa demanda porque. Tres la retirada d’aquel lletreru históricu vemos que’l turista precisa un símbolu para dexar constancia nes sos semeyes de que tuvo en Gascona”. Caramés aprovechó para adelantrar qu’esti próximu xunu,  “va ser la Preba de la sidra y per primer vegada na hestoria, va ser Fiesta d’Interés Turísticu rexonal. va celebrase’l domingu como vien siendo tradición pero, anguaño, queremos  que’l vienres anterior Uviéu se revindicará como capital mundial de la sidra para potenciar la nuesa cultura sidrera que conecta a tolos sectores”.