L’afayu de bales decimonóniques revelen La Rodriga como llugar de duelos

L’afayu de bales decimonóniques revelen La Rodriga como llugar de duelos
09 xunu 08:24 2022 Imprimir

Les escavaciones arqueolóxiques empecipiaes nel parque de La Rodriga n’abri, por cuenta de la puesta en valor del parque dientro del programa “Conoz los tos Parques” de la conceyalía de Parques y Xardinos del Conceyu, siguen sacando a la lluz y amosando al públicu la superficie del vieyu camín de San Cipriano construyíu en 1809 pa xubir al campusantu vieyu de la ciudá.

Ente les últimes pieces atopaes sobro’l vieyu camín destaquen delles bales de chombu de pistola d’avancarga, dos ensin impactar, lo que paez que sofita los comentarios manuscritos de Coello sobro’l campu de San Cipriano, cuando se refier a que les muries del campusantu fueron el llugar escoyíu pa “xustes” o duelos por dellos uvieinos del sieglu diecinueve.

Los duelos d’honor tuvieron la so edá dorada ente mediaos y el postreru cuartu del sieglu XIX n’España, so la influencia de los ideales románticos, y anque yera considerada xuna práctica illegal, el refugar un duelu, dientro de l’alta sociedá de la dómina, yera consideráu un deshonor. So los sos propios códigos, como’l llance ente caballeros publicáu por Julio Urbina y Ceballos-Escalera, se reglamentaban los duelos, hasta’l puntu qu’aquellos qu’asumíen un duelu, asumíen tamién que’l pleitu nun llegara enxamás a los tribunales.

Los duelistas solíen escoyer un padrín que faía de mensaxeru ente dambos contendentes, y revisaba armes y paxellu de los mesmos antes de producise un duelu, pal que s’escoyíen llugares ensin hábitat al pie de les ciudaes, a hores bien tempranes pa evitar a les autoridaes.
L’oxetivu de la intervención arqueolóxica, amosar al públicu hasta setiembre parte del camín orixinal del primer campusantu de la ciudá (1809), vese complementáu con una serie de pequenos afayos materiales interesantes pa la hestoria de la ciudá.

La visita al parque realízase tolos xueves y domingos hasta setiembre a les 10 de la mañana, con puntu d’alcuentru na entrada a los xardinos de la cai Campumanes. La conceyalía que dirixe’l conceyal Gerardo Antuña tamién ufierta otros itnerarios, que pueden consultase en https://www.oviedo.es/parques/conocetusparques

  Categories: