L’AEFAS celebra un programa sobro “El rol de la muyer na empresa familiar”

L’AEFAS celebra un programa sobro “El rol de la muyer na empresa familiar”
21 febreru 09:50 2019 Imprimir

L’Asociación Asturiana d’Empresa Familiar (AEFAS) pon en marcha, col financiamientu d’Impulsa, un programa pa la meyora de la competitividá y eficiencia de les empreses familiares de Xixón. Dichu programa trai una serie d’acciones a lo llargo del añu 2019, qu’empiecen mientres esti mes de febreru.

L’Asociación Asturiana d’Empresa Familiar (AEFAS), llanza esti mes de febreru, el Programa de Promoción de la Xestión Avanzada para la meyora de la competitividá y eficiencia de les empreses familiares de Xixón. El proyectu, cofinanciáu por Impulsa, ye un apueste pol impulsu de l’actividá económico y empresarial de la ciudá, yá que pretende optimizar la conocencia y esperiencia d’empresarios consolidaos nel ámbitu de la empresa familiar, en favor de los nuevos empresarios que s’atopen nun contestu de cambéu xeneracional.

Van ser cuatro les acciones a desarrollar mientres los próximos meses. La primera d’elles, va consistir nun programa de mentoring individual en xestión y lideralgu na empresa familiar que, sol lema “Si tienes una empresa familiar y quies ameyorar, apúntate al nuesu programa de mentoring. Te podemos ayudar: d’empresariu a empresariu“ pretende ayudar a nuevos o potenciales xestores d’empreses familiares de Xixón.

Otra de les acciones va ser la celebración de delles Webinars sobro’l presente y futuru de la Empresa Familiar. En total van celebrase 9 sesiones online nes qu’el consultor d’empresa familiar, Manuel Pavón, va ilustrar sobro distintes temes d’interés pa les empreses familiares. La primera d’elles, que se va celebrar el 11 de febreru de 17,00 a 18,00 hores, va llevar por títulu “¿Empresa familiar o familia empresaria?”. Nes siguientes van encetase les principales característiques de les empreses familiares y conflictos d’interés, tipoloxíes, relación ente hermanos, el consorciu de primos, el gobiernu de la empresa, directivos familiares y non familiares, cómo retribuir a los miembros de la familia y los retos del futuru, ente otros.

Amás, van celebrase dellos alcuentros ente mozos empresarios sucesores d’empresa familiar y empresarios consolidaos, aprendiendo asina d’esperiencies individuales esitoses.

El primeru d’ellos, va tener llugar en La Llaboral Ciudá de la Cultura de Xixón esti xueves, 21 de febreru a les 18,00 hores y va llevar por títulu “El rol de la muyer na empresa familiar”. Nesti eventu presentaránse los resultancies del estudiu “El rol de la muyer na empresa familiar”, trabayu conxuntu de l’Asociación Asturiana de la EF y The Family Advisory Board baxu la dirección del Prof. Manuel Bermeyu Sánchez. Tres la presentación del estudiu, va desenvolvese xuna mesa redonda con Xema Coria (Vega Pelayo), Mª José López de Heredia (Viña Tondonia) y Yolanda Trabanco (Grupu Trabanco) p’aldericar los datos del estudiu y cómo ta evolucionando’l papel de les muyeres nel ecosistema familia/empresa.

A lo último, creóse un Buzón online d’asesoramientu patrimonial y familiar.
Tratase d’una ferramienta de consulta gratuita empobinada a empreses familiares de Xixón na que profesionales espertos de Deloitte Llegal y Vaciero, van esclariar duldes rellacionaes cola fiscalidá y con aspeutos llegales y organizativos de la empresa o de la familia.

Tola información sobro’l proyectu según el calendariu de les distintes acciones, ta disponible en: http://programaempresafamiliar.aefas.com/. Y les inscripciones pa esti alcuentru puen facese nel siguiente enllaz

  Categories: