L’AEAPA clausura con Andrea Joglar so Seminariu Internacional

10 ochobre 04:47 2013 Imprimir

El Seminariu Internacional Permanente (SIP) sobre l’Alimentación y vezos alimenticios n’Asturies y América” que vien celebrándose dende Ochobre de 2012 na Facultá de Fi8losofía y lletres de la Universidá d’Uviéu, nel so campus d’El Milán, llega güei a la so fin con unes Xornaes empecipiaes ayeri que reunen a dalgunos de los más destacaos especialistes nel ámbitu de l’alimentación tanto académicu como de la sociedá civil. La clausura de güei va cuntar con destacaos especialistes de la Universidá y l’actuación musical d’Andrea Joglar, dempués d’una Xornada ayeri que supunxo un atayante ésitu.

El Seminariu Internacional Permanente (SIP) ye una de les principales apuestes académiques de la AEAPA y tien como oxetivu fundamental sirvir de foru científicu y puntu de referencia permanente pa los estudios americanistes nel Principáu d’Asturies. Ente les sos misiones destaquen la pluralidá, multidisciplinaridad y horizontalidá del trabayu científicu. Les investigaciones que nesti Seminariu preséntense se engloban dientro del gran campu temático Ciencia de la Vida y na so edición 2012-2013 analizó l’Alimentación y los vezos alimentarios n’Asturies y América”, dende la hestoria, la hestoria del arte, la musicoloxía, la lliteratura, l’antropoloxía, la socioloxía, la xeografía y la fisioloxía.

Nes Xornaes que se desenvuelven nel salón de Graos d’Hestoria de la Facultá de Filosofía y Letrás, ayeri presentóse la ponencia “L’alimentación como revelador del choque colonial en Andar coloniales” a cargu del prestixosu investigador de la Université Paris III-Sorbonne Nouvelle Bernard Lavallé que se refirió a les práctiques alimentaries de los indios qu’amenaron non poques considerancies, polo xeneral despreciatives, de parte de los españoles del sieglu XVI, nel marcu global de la reflexón d’éstos sobre’l ser y la civilización aboríxenes. La ponencia trató d’amosar los diversos estratos de significáu, esplícitu o implícitu, d’esa representación, y les midíes que los nuevos dueños del subcontinente tomaron pa tratar de modificar eses práctiques nun sentíu más conforme colos calces polos que queríen emponer al pueblu nativu.

De siguío, Llinda Newson del Institute for Latin American Studies, del King’s College London desplicó les Variaciones xeográfiques nes dietes de los esclavos africanos en períodu colonial tempranu: l’heriedu d’África y los destinos n’América”, na que propunxo que les diferencies ente les dietes de los africanos antes de ser esclavizados son importantes pa esplicar la estatura y la salú nel momentu que llegaron a América. Coles mesmes, la ponencia tuvo enfocada escontra l’analís de les dietes de los esclavos en tránsitu, esaminándose la composición de les dietes básiques en Cartaxena, Panamá y Perú. Lo que demuestra qu’hai importantes diferencies rexonales que reflexen les condiciones locales ambientales, económiques, polítiques y culturales.

Waldo Gerardo Fernández Ramos foi l’encargáu d’averar al públicu a la Fame y malnutrición, testimonios de primera mano: el llabor de Manos Xuníes mientres más de 50 años n’América Llatina”. La ponencia describió la situación d’unos 170 millones de llatinoamericanos viven so los estragales de la probeza, y unos 1.000 neños muerren acaldía por causes fácilmente prevenibles y curables. América Llatina ye tamién el continente onde les desigualdaes son más pronunciaes. La probeza y la inequidad tienen raigaños históricos y polítiques. Frente a ello, Manos Xuníes, Organización Non Gubernamental pal Desenvolvimientu, de la Ilesia Católica d’España, enría la solidaridá de munchu españoles y sofita proyectos de desenvolvimientu pa los sectores más desfavorecidos d’esi Continente hermanu.

Finalmente, el profesor de la Universidá d’Uviéu y presidente de AEAPA, Ismael Sarmiento presentó’l Proyectu “Comportamientu de l’alimentación y vezos alimentarios de la Zona I d’Ecuador: aportaciones al contestu andín y americanu”, que s’inscribe dientro del Proyectu Prometeo de la SENESCYT d’Ecuador.

La sesión de güei

La segunda sesión del Seminariu Internacional Permanente desenvolveráse esta tarde de 17:00 a 20:30 hores nel Salón de Graos, Departamentu d’Hestoria, Edificiu Departamental (Segunda Planta), Facultá de Filosofía y Lletres, Universidá d’Uviéu. La sesión va arrincar cola ponencia: “Los efectos del cambéu social sobre l’alimentación: los vezos alimentarios de el españoles” al cargu de la profesora Cecilia Díaz-Méndez, de la Universidá d’Uviéu y va siguir cola que va presentar el tamién profesor uvieín Diego García Peinazo sobre “La insoportable omnivoridad del sur. Interacciones ente música, alimentación ya identidá cultural d’Andalucía na publicidá audiovisual”.

A les 18,45 hores presentaránse los resultancies de la investigación: “Valoración nutricional de los menúes ufiertaos pola Cocina Económica d’Uviéu (añu 2012)” por María Ángeles Menéndez Patterson, de la Universidá d’Uviéu y Fundación Alimerka. Y a les 19,30 va tener llugar la Conferencia de clausura sobre “El llabor de la Cocina Económica d’Uviéu en períodos de crisis” al cargu de Rafael Virgós Sáinz, de l’Asociación Benéfica Cocina Económica d’Uviéu.

La clausura de les Xornaes y del Seminariu que completen va tener “Un intre pa la gaita” al cargu d’Andrea Fernández Joglar, graduada Profesional de Música, Especialidá de Gaita, nel Conservatorio de Música “Eduardo Martínez Torner” d’Uviéu y estudiante de Filoloxía Hispánica na Universidá d’Uviéu. Ganadora, como solista, de dalgunos de los premios más prestixosos del mundu de la gaita asturiana, siendo la única muyer en posesión del Macallan del Festival de Lorient. Andrea Joglar va interpretar “La Marcha d’Ancadeira d’Ozcos”. Pieza recoyida al gaiteru Antón de Fonduveigas y “La Maruxina”. Pieza de D. José Antonio Rodríguez, “el gaiterín de L’Habana”. L’actuación musical va ser presentada por Félix Emilio Rodríguez López (Milio’l del Nilo). Integrante y promotor de la Banda de Gaites de Xaranzana d’Uviéu.

  Categories:
Loading Facebook Comments ...