Lady Gaga anuncia que va pasar un llargu tiempu alloñada de los escenarios

Lady Gaga anuncia que va pasar un llargu tiempu alloñada de los escenarios
12 setiembre 23:17 2017 Imprimir

Lady Gaga ye una de les artistes más relevantes de la música actual qu’atopó nos grandes espectáculos la so forma de vida y vieno acabante de facer anuncia de que va pasar un llargu tiempu alloñada de los escenarios.

Desque se diera a conocer caracterizóse por percorrese’l mundu colos sos impresionantes shows, cuntando col sofitu de los sos fieles siguidores en caúna de les sos xires. Sicasí, los “little monster” van tener qu’esperar enforma tiempu pa poder esfrutar del so ídola en directu de nuevu.

L’artista atopase en plena promoción del so documental con Netflix Five Foot Two , polo que se treslladó hasta Canadá pa presentalo nel festival Internacional de Cine de Toronto. Mientres la presentación, la cantante desveló los sos planes de futuru que dica agora s’atopen alloñaos de los escenarios: “preciso un tiempu pa folgar, baxar el ritmu un tiempu pa curame”.

Unes tayantes declaraciones que lleguen poco dempués de que tuviera qu’atayar el so conciertu en Montreal en cayendo enferma d’escosamientu dempués del so espectáculu en Nueva York, onde pudimos vela actuando so l’agua. ”Nunca toi ensin faer música. Nunca toi ensin crear. Toi emocionada por pasar tiempu cavilgando sobre los postreros diez años y empezar a pensar no que quiero crear de siguío” concluyó aselando a los sos fans, qu’esperen provecíos el so últimu conciertu dientro de la so xira mundial Joanne el próximu 18 d’avientu en California.

  Categories: