Portada Sociedá L’activista bretón Emmanuel Le Merlus visita Asturies pa conocer la realidá del asturianu

L’activista bretón Emmanuel Le Merlus visita Asturies pa conocer la realidá del asturianu

by asturnet

Emmanuel Le Merlus, activista pola llingua bretona, ta de visita estos díes per Asturies, dempués de recorrer 17.000 km y más de 28 estaos col oxetivu de promover la diversidá cultural y el conocimientu mutuu ente les minoríes llingüístiques d’Europa. Esti viaxe ta patrocináu poles escueles en llingua bretona, pola Oficina de la Llingua Bretona, pol Institutu de la Cultura Bretona y pol Conseyu Rexonal de Bretaña.

A lo llargo d’estos díes, va aconceyar con dellos representantes del movimientu de reivindicación llingüística (Xunta pola Defensa de la Llingua Asturiana), d’Instituciones (Academia de la Llingua Asturiana), representantes políticos y educativos y con medios de comunicación.

Amás celebró un alcuentru cola prensa nel Conceyu Abiertu d’Uviéu, onde espresó la so opinión sobre la situación de la llingua asturiana, comentando “nun entender cómo l’asturianu sigue ensin ser oficial”.

Blogue del viaxe

Tamién te podria gustar