SociedáTecnoloxía L’accesibilidá del Rexistru del Conceyu d’Uviéu ponse a exame by redacción asturnews 6 de marzu, 2019 written by redacción asturnews 6 de marzu, 2019 69 Miembros de l’asociación Plena Inclusión evalúen les instalaciones del Rexistru Xeneral del Conceyu d’Uviéu pa plantegar meyores que faciliten l’usu d’esti serviciu a persones con discapacidá intelectual. Les meyores van ponese aplicar darréu n’otros equipamientos municipales. La concejala d’Atención a les Persones, Marisa Ponga, y la conceyala de Patrimoniu, Cristina Pontón, acompañaron esta selmana pasada a miembros de l’asociación Plena Inclusión al Rexistru Central, allugáu na cai Quintana, 6 baxu, pa determinar si esti equipamientu axunta les condiciones d’accesibilidá universal. Ponga resaltó qu’esti grupu, compuestu por una ventena de persones con discapacidá intelectual, foi formáu espresamente para determinar “qué fallos puede haber y plantegar posibles correcciones”. Meyores que podrán estendese “a otros servicios municipales”, añedió Pontón, una vegada que se pongan en marcha de forma esitosa nel Rexistru, que ye una de les instalaciones “nes que s’atiende a más población”. Según indicó la responsable d’Atención a les Persones, “l’accesibilidá cognitiva trabayar dientro de les instalaciones municipales de manera senciella: incorporando señalización de colores nel suelu y en parés, y usando un llinguaxe claru nos cartelos”. Tamién recordó que les árees municipales d’atención al públicu cunten dende va unes selmanes con “libretas de comunicación basaes en sistemes de comunicación aumentativa y alternativa, que faciliten la relación de la ciudadanía col Consistoriu. Nes instalaciones del Rexistru amás, disponen de bucles magnéticos, claves para ameyorar l’accesibilidá sensorial. 0 FacebookTwitterPinterestEmail Anterior Francisco Mellén Blanco va falar de los venceyos familiares de Pedro Menéndez siguiente El Gran Desfile d’Antroxos, Moxigangues y Carroces, protagonizó’l Martes d’Antroxu d’Avilés Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII...