Sociedá L’Academia urxe a Riopedre a equiparar a los mayestros de Llingua colos d’otres especialidaes by asturnet 21 de febreru, 2005 written by asturnet 21 de febreru, 2005 11 Equiparar a los profesores de Llingua Asturiana colos docentes d’otres especialidaes pa que puean participar n’igualdá en tresllaos y oposiciones. Con esa demanda central, responsables de l’Academia de la Llingua aconceyaron güei col conseyeru d’Educación y Ciencia, José Luis Iglesias Riopedre, col que coincidieron na necesidá d’espardir l’asturianu en centros privaos y concertaos. Al alcuentru asistieron la presidenta de l’Academia, Ana Cano, y l’académicu Xosé Antón González Riaño, quienes urxeron al conseyeru a facer un siguimientu “seriu y rigurosu” de la escolarización en Llingua Asturiana y destacaron la necesidá d’espublizar lo más aína posible los currículos de l’asignatura nos niveles d’Infantil, Primaria y Adultos, asina como la ellaboración de materiales curriculares pa la Secundaria. Asinamesmo, na entrevista que mantuvieron col másimu responsable d’Educación nel Principáu, los responsables de l’Academia reiteraron énte Riopedre la gran importancia que tendría la implicación del Gobiernu autonómicu pa la implantación de los estudios universitarios de Filoloxía Asturiana, una cuestión que nel Plan pa la Normalización Social de Asturianu queda a iniciativa de la Universidá con un posible sofitu formal del Executivu. El conxuntu d’esi documentu -el plan que determina la política llingüística’l Principáu hasta 2007- ta, a los güeyos de Cano y González Riaño, marcáu por “bultables insuficiencies, darréu que los sos conteníos rebaxen mesmamente lespíritu y la lletra de la, yá de por sí percurtia, Llei dUsu del Asturianu de 1998”. Asina-y lo tresmitieron los responsables académicos a Iglesias Riopedre, a quien-y reiteraron la necesidá de la oficialidá de la llingua asturiana pa poder echar a andar una verdadera acción llingüística integral. 0 FacebookTwitterPinterestEmail Anterior Periodistes pol Asturianu defende la discriminación positiva de la llingua na radiotelevisión pública siguiente La Feria de Teatru pa Neños echa a andar con once funciones nun día y preocupación pol mal tiempu Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII... L’ALLA abre’l plazu pa los cursos de la...